მსოფლიოს 2023 წლის ჩემპიონატის საკვალიფიკაციო ფანჯრის თამაშების შემდეგ ფიბა-ს სანაკრებო რეიტინგი განახლდა, რომელშიც წარმატებული ასპარეზობის გათვალისწინებით, სრულიად დამსახურებულად დაწინაურდა საქართველოს ნაკრები. შეგახსენებთ, რომ ილიას ზუროსის გაწვრთნილმა საქართველომ თებერვლის მიწურულს 2-ჯერ მოუგო ჩრდილოთ მაკედონიის ნაკრებს და მსოფლიო პირველობის მე-2 ჯგუფური რაუნდის საგზური ოფიციალურად მოიპოვა. საქართველომ თბილისში 91:70 იმარჯვა, სკოპიეში კი – 79:65.შედეგად, ქართველ კალათბურთელებს 16.8 ქულა დაემატათ, რეიტინგში 2 ადგილით დაწინაურდნენ (საუკეთესო შედეგი მოწინავე ორმოცეულში) და 301.5 ქულით მსოფლიოში 36-ე ადგილზე იმყოფებიან, კონკრეტულად ევროპაში კი, მე-18 ადგილზე დამკვიდრდნენ.
მსოფლიო ჩემპიონატის
შეგახსენებთ, რომ ზუროსის გუნდს მიმდინარე ტურნირში მხოლოდ 2 მატჩი დარჩა ჩასატარებელი: 1-ელ ივლისს – უკრაინაში და 4 ივლისს – თბილისში, ესპანეთთან. სწორედ ამის მერე გაირკვევა, ქართველ კალათბურთელებს მე-2 ჯგუფურ ეტაპზე რამდენი გამარჯვება გადაჰყვებათ.
წყარო: GBF
