ჩვენი გუნდის მწვრთნელმა ზუროსმა პარკეტზე შემდეგი სასტარტო ხუთეული გაიყვანა: სანაძე, ცინცაძე, მაკფადენი, შენგელია, შერმადინი. დებიუტში მარცხენა ფეხი შერმადინმა იტკინა და მოედნის დატოვება მოუწია. მეტოქეს სამქულიანები არ წაუვიდა, საქართველოს ნაკრები კი ქულებს ძირითადად შენგელიას ძალისხმევით აგროვებდა, ცინცაძემ ორი სამიანი, ხოლო მაკფადენმა ერთი ჩააგდო და 20:10 დავწინაურდით. შემდეგ შერმადინიც დაბრუნდა და პირველი მეოთხედი 9 ქულით მოვიგეთ.
მეორე პერიოდის დასაწყისში ზუროსმა შენგელია დაასვენა, მასპინძლებმა ანგარიშის 2 ქულამდე შემცირება მოახერხეს, თუმცა თორნიკეს დაბრუნებისთანავე სიტუაცია შეიცვალა და პირველი ტაიმი 45:38 დასრულდა.
მესამე მეოთხედი საქართველოს ნაკრებმა ცუდად დაიწყო, უამრავი შეცდომა დაუშვეს, რითაც მოწინააღმდეგემ ისარგებლა და 7 ქულით წინ გავიდა. ამას ანდრონიკაშვილის ჩაჭრა, მისი ორი ზუსტი სამიანი და შენგელიას ორიანი მოჰყვა და სხვაობა 3 ქულამე შემცირდა. გადამწყვეტი მეოთხედი ისლანდიამ უკეთ დაიწყო, 8 ქულით გაიქცა, ბერიშვილმა 2 სამიანით უპასუხა, მაგრამ მასპინძლებმა უპირატესობა მალევე დაიბრუნეს. მერე ბერიშვილმა, სანაძემ და შენგელიამ სამიანები ჩააგდეს და 7 ქულით გავედით წინ. ისევ დაუშვა საქართველოს ნაკრებმა შეცდომები, მეტოქემ ჩამორჩენა 1 ქულამდე შეამცირა, სიტუაცია უკიდურესად დიძაბა, თუმცა საბოლოოდ გამარჯვება ჩვენს გუნდს დარჩა.
27 ქულითა და სარგებლიანობის 26-იანი კოეფიციენტის მატჩის ყველაზე შედეგიანი და საუკეთესო მოთამაშე შენგელია გახდა, რომელმაც 11 მოხსნა და 4 პასიც მიითვალა. შერმადინმა ორმაგი დუბლი შეასრულა (10 ქულა და 11 მოხსნა), სანაძემ 13 ქულა ჩააგდო, მაკფადენმა 12, ბერიშვილმა 9, ცინცაძემ 7, ანდრონიკაშვილმა 6, ბოქოლიშვილმა და ჯინჭარაძემ 2-2. მასპინძელთაგან 19 ქულა ფრიდრიკსონმა ჩააგდო, 16 სტეინარსონმა, 15 ჰინასონმა (პლუს 10 მოხსნა), 13 იონსონმა.
შემდეგ მატჩს საქართველოს ნაკრები 14 ნოემბერს თბილისში იტალიასთან გამართავს და მოგების შემთხვევაში, მსოფლიოს ჩემპიონატს მიუახლოვდება.
ისლანდია vs საქართველო | მატჩისწინა ვითარება და ცოტა რამ ისტორიიდან
![ოლიმპიადაზე გასვლა ოცნებად დაგვრჩა - საქართველოს ნაკრებმა ფილიპინებს მხოლოდ 2 ქულით სძლია [VIDEO]](/pictures/image7/8c42b4d442c476de8272efe3231d7dec.jpg "ოლიმპიადაზე გასვლა ოცნებად დაგვრჩა - საქართველოს ნაკრებმა ფილიპინებს მხოლოდ 2 ქულით სძლია [VIDEO]")
![საქართველოს ნაკრები ლატვიასთან 28 ქულით დამარცხდა [VIDEO]](/pictures/image7/894ab94debbd9fa4c840252b1c974abc.jpg "საქართველოს ნაკრები ლატვიასთან 28 ქულით დამარცხდა [VIDEO]")
მე ერთიც კი არ მახსენდება, თქვენ?
და ამაზე ვინმე მუშაობს საერთოდ? თუ მუშაობს როდისმე დავინახავთ შედეგს?