კალათბურთი

ეროვნული ნაკრები

13:38 30-08-2023

საქართველოს ნაკრებმა ვენესუელა დაამარცხა და მომდევნო ეტაპზე გავიდა [VIDEO]

AutoSharing Option Yes No

AUTO PLAY

კალათბურთის ეროვნული ნაკრების მთავარი სპონსორია "საქართველოს ბანკი"

მსოფლიო ჩემპიონატზე საქართველოს ნაკრებმა ვენესუელა 70:59 დაამარცხა და მომდევნო ეტაპზე გავიდა. ილიას ზუროსმა სასტარტო ხუთეული არ შეცვალა - ანდრონიკაშვილი, მაკფადენი, სანაძე, შენგელია და შერმადინი.

პირველ მეოთხედში სამხრეთამერიკელებმა თორნიკე შენგელია ვერა და ვერ გააჩერეს, ჩვენი ნაკრების კაპიტანმა საწყის 10-წუთეულში თავი 12 ქულით გამოიჩინა. საბოლოოდ, ტაიმი 24:19 მოვიგეთ.

მეორე მეოთხედში საქართველოს ნაკრები ვენესუელას დიდი უპირატესობით გაექცა, სათადარიგოები კვლავ მშვენივრად გაისარჯნენ და ჩვენც 42:23 ვიმარჯვეთ.

მესამე მეოთხედში გიორგი შერმადინის ნაცვლად ბერძენმა სპეციალისტმა გოგა ბითაძე გამოიყვანა და

მესამე ათწუთეულშიც პირველი ორი ქულა თავად მოიპოვა. ზოგადად, ბევრი ტექნიკური წუნი იყო, თორნიკე კი კვლავ ვერ გააჩერეს და საკუთარ მონაგარს 11 ქულა დაამატა.

მეოთხე მეოთხედში დაჭერილი უპირატესობა აღარ გაგვინიავებია და საქართველომ ჯგუფში მეორე გამარჯვება იზეიმა.

მატჩის საუკეთესო კალათბურთელი თორნიკე შენგელია გახლდათ, რომელმაც თავი 25 ქულით, 3 მოხსნითა და 3 შედეგიანი გადაცემით გამოიჩინა.

გოგა ბითაძემ 11 ქულა, 11 მოხსნა, 2 ჩაჭრა და 2-იც დაფარება მიითვალა.

მომდევნო ეტაპზე საქართველოსა და სლოვენიის ნაკრებ გუნდებს ავსტრალია და გერმანია შეუერთდებიან. საქართველო ავსტრალიასა და გერმანიას შეხვდება, ოთხეულის ორი საუკეთესო გუნდი 1/4-ფინალში გავა.

alt როგორია შანსები - ვენესუელასთან მატჩამდე საქართველოს ნაკრებმა "გიმნაზიუმ არენაზე" ივარჯიშა

ტეგები:

საქართველოს კალათბურთელთა ნაკრები

ვენესუელას კალათბურთელთა ნაკრები

ავტორი : გიორგი ღვინიაშვილი

შეაფასეთ სტატია:

მკითხველის კომენტარები / 50 /

თარიღის მიხედვით

მოწონებების მიხედვით

გერმანიის ნაკრების მწვრთნელი ესწრებოდა ჩვენს თამაშს და სავარაუდოდ მეორე ტაიმში ბოლომდე არ იბრძოლეს ბიჭებმა და მაგიტომაც არ გამოიყვანა სანდრო!
ჯგუფიდან რომ გავიდეთ ორივე თამაში უნდა მოვიგოთ.
მოკლედ გერმანიასთან შეხვედრაში გამოჩნდება ქართული კალაღბურთუს დღევანდელი დონე.
წარმატება ბიჭებს!

თემურუ

გამოხმაურება

30 აგვისტო 2023 15:13

გერმანიის ნაკრების მწვრთნელი ორი წელი წვრთნიდა საქართველოს ნაკრებს და სულ რომ არ დასწრებოდა მაგ თამაშს,მაინც ვერაფერს დაუმალავს ბედოვლათი ზუროსი.))) სანაძეზე მეტი სათამაშო დრო რომ მიცეს ჯინჭარაძეს,მაგის გოგრამდე ვერ დავიდა ეგ.16 გუნდში მოხვედრა მაინც მაგარი ამბავია,მაგრამ ბევრი პრობლემა რომ აქვს ნაკრებს,ეგეც აშკარაა.სავარაუდოდ ბუ და შერმადინი ამთავრებენ სანაკრებო კარიერას ამ ტურნირის შემდეგ და მერე რა გვეშველება,ეგაა საკითხავი.ზუროსმა ცალსახად ამოწურა თავისი თავი,კომოშკოვის დაბრუნება არ იქნებოდა ურიგო აზრი,როგორც მწვრთნელი ჩვენს მერე კიდევ უფრო გაიზარდა,გარემოს და მოთამაშეების ნაწილს იცნობს და ადაპტაცია არ დაჭირდება

ჰერბერტი

30 აგვისტო 2023 17:21

სროლა შეიძლება არ წაგივიდეს ან სულაც ვერ ესროდე ისე როგორც ევროპელი ტოპ-სნაიპერები, მაგრამ გამართულ კალათბურთს თამაშობდე. გუნდს კაპიტანი ჰყავს დაბალი დონის. ერთი ჩატენვა და თუნდაც 5 არ იგებს თამაშს. შენგელია პირველ თამაშშიც გადარჩა ტექნიკურს კალათზე უაზრო კონწიალის გამო. ასეთი ტექნიკურები და ქულების ჩუქება უპატიებელია. ლიდერი უფრო დინჯი უნდა იყოს. თუნდაც სანაძესთან წაკინკლავებაში გამოჩნდა, რომ რაღაც ვერ არის კარგად. ლიდერები ისე აგვარებენ, რომ ხალხი არ აიჯანყონ. რატისაც ცოტა უხეშად მოსთხოვა ერთი-ორჯერ ბურთი. მაგრამ რატი პატარაა მაინც და ვერაფერი უთხრა. არ გამიკვირდება მთლად კარგი სიტუაცია არ იყოს გასახდელში. ბითაძეც პატარა ბიჭია, მაგრამ დარწმუნებული ვარ კაპიტანს უხეში მოპყრობა გაუტაროს. შერმადინი ნამეტანი წყნარია და ის უბრალოდ ვერ იქნება ლიდერი. ერთი ცინცაძე დარჩა ვისაც ცოტა ასაკი უწყობს ხელს, მაგრამ შენგელიაზე უარესია გადაწყვეტილებებში. having said this :)) მიხარია, რომ გავედით, მაგრამ იმედი არა მაქვს. ვაღიაროთ, რომ 2 ძალიან სუსტ ნაკრებს ვძლიეთ. თუნდაც ფინეთის დონის გუნდი რომ გვყოლოდა მეტოქედ ჯგუფში, რომელმაც ყველა წააგო, ვერ გავიდოდით.

odala

გამოხმაურება

30 აგვისტო 2023 15:12

ბოღმისგან არ გასკდეთ

ჯონდო

30 აგვისტო 2023 15:53

გილოცავთ შემდეგ ეტაპს.თამაში ეპიზოდებში ძალიან კარგი აქვს ნაკრებს, მაგრამ მომენტებში ვერც იცნობ იგივე გუნდი თუ თამაშობს.ბალანსი თუ არ დავიჭირეთ რაიმენაირად.სხვა შემთხვევაში გერმანია ავსტრალიასთან უშანსოდ წავაგებთ.იმედი მაქვს გაანალიზებენ თამაშს და ორივე თამაშში 200% დაიხარჯებიან.შედეგი უდაოს უკვე რომ მშვენიერია, მაგრამ მეტის ამბიციაც უნდა გვქონდეს.

Giorgi

გამოხმაურება

30 აგვისტო 2023 15:07

რას აკეთებს ზუროსი სრულიად გაუგებარია. სანდრო მამუკელაშვილი ცუდად ყავს ამოჩემებული აშკარად. ანდრონიკაშვილის თამაშს კი ფედერაცია აიძულებს ეტყობა.

guram

გამოხმაურება

30 აგვისტო 2023 14:46

გილოცავთ ყველას! მადლობა ბიჭებს.
ძალიან მაგარია მსოფლიოს ჯგუფიდან გასვლა. მსრთალია ევრობასკეტზე სუსტი ჯგუფებია მთლიანობაში, მაგრამ ეს ის მაქსიმუმია რაც დღეს ჩვენ შევძელით. ავსტრალია, გერმანია მედლების პრეტრნდენტებად ითვლებიან და მე პირადად სიტყვაც არ დამცდება აუგი რა შედეგიც იქნება. ბიჭებმა უბრალოდ ახლა უნდა მოიხსნან ყველანაირი ტვირთი და კალათბურთით ისიამოვნონ. მე პირადად უკვე ნასიამოვნებული და გახარებული ვარ. მადლობა ბიჭებს. დიდება საქართველოს. ❤️

G.LA

გამოხმაურება

30 აგვისტო 2023 14:45

დაიწყება ეხლა პროფესორობა ასე ისე. ვის რაში ჭირდება?!!!! დატკბით მომენტით იამაყეთ ბიჭების თამაშით!!! ბიჭებო მადლობა!! გმირები ხართ!! მადლობა ჩვენი ქვეყნის გახარებისთვის!!

ლაკა

გამოხმაურება

30 აგვისტო 2023 14:36

ურემი რომ გადაბრუნდება მერე ვაი-ვიში გვიანია. რომ გავედით იმას არ ნიშნავს რომ ყველაფერი კარგად არის და კრიტიკა არ მოსულა.

odala

30 აგვისტო 2023 15:13

გმირები არა სუპერგმირები. ტარიელი და ავთანდილი აკლიათ ერთი

გივი

30 აგვისტო 2023 14:52

ვკითხულობ კომენტარებს და გაოცებული ვარ-ეს მაქსიმალისტი ერი,რომელიც იმის მაგივრად რომ ამაყი იყოს მსოფლიოზე მოხვედრით და არა მარტო მოხვედრით,პლეიოფში გასვლით, იწყებს ნეგატივის ძებნას და პროფესორობას...როგორ,ნუ როგორ ავხსნა რომ ეს ერი უკვე ათწლეულზე მეტია ამ მთავრობას ითმენს)))

გიუშა

გამოხმაურება

30 აგვისტო 2023 14:34