უმასპინძლებს საქართველო 2021 წლის ევრობასკეტს? - პასუხი დღეს გვეცოდინება

AutoSharing Option
დღეს, 15 ივლისს, მიუნხენში ევრობასკეტი 2021-ის მასპინძელი ქვეყანა გამოცხადდება.

საქართველო მასპინძლობის მსურველ პრეტენდენტებს შორის გახლავთ და ჩვენი ქვეყნის კონკურენტები შემდეგი ქვეყნები არიან: ჩეხეთი, ესტონეთი, გერმანია, უნგრეთი, იტალია და სლოვენია.

ამ საკითხს ფიბას ოფიციალურმა საიტმა სპეციალური სტატია მიუძღვნა. სხვა ქვეყნებისაგან განსხვავებით, ესტონეთსა და საქართველოს ევრობასკეტისთვის არასდროს უმასპინძლიათ, თუმცა, როგორც საიტი აღნიშნავს, ორივე ქვეყანამ დაამტკიცა კალათბურთის მიმართ მათი სიყვარული. თუ ათასობით ესტონელმა გულშემატკივარმა ევრობასკეტი 2015-ის ჯგუფური ეტაპი გაალამაზა რიგაში, საქართველოში 2019 წლის მსოფლიო თასის საკვალიფიკაციო ეტაპის თამაშებს ძალიან ბევრი ადამიანი ესწრებოდა.

იქვე,
ფიბას საიტი საქართველოს კალათბურთის ფედერაციის პრეზიდენტ პაატა გურასპაულის კომენტარს აქვეყნებს.

"ისეთი საკალათბურთო ტრადიციის მქონე ქვეყნისთვის, როგორიც საქართველოა, ევრობასკეტის მასპინძლობა წარმოადგენს მრავალი საკალათბურთო თაობის ოცნებას, გამოწვევას, გავსებულ დარბაზებსა და უდიდეს საკალთბურთო ატომოსფეროსა და დღესასწაულს", - აღნიშნა პაატა გურასპაულმა.

გადაწყვეტილება დღეს, 15 ივლისს, თბილისის დროით 18:30 საათზე გამოცხადდება.
მკითხველის კომენტარები / 9 /
ლევანი-ს, ლევანს-ს: დროა დავიდეს ჩვენ ტვინამდე, რომ განვითარებულ ქვეყნებში პირველ ადგილზე კანონის უზენაესობაა. და შესაბამისად - პოლიციაზე ხელის აღმართვა უდიდესი დანაშაულია (შედეგებს სრსვინ უყურებს). და პოლიცია, რომელიც ვერ პასუხობს მოძალადეებს, ვერც უცხოელ სტუმარს დაეხმარება. გთხოვთ დაბეჭდოთ. და ხაზს ვუსვამ - ქოცობა და ნაცობა არ დამაბრალოთ, მხოლოდ საქართველო და კანონის უზენაესობა.
alexandre
14:33 15-07-2019
5
7 პრეტენდენტი ქვეყნიდან 4 უნდა აირჩეს მასპინძელ ქვეყნებად, შესაბამისად შანსი არის საკმაოდ კარგი. ვფიქრობ შემდეგი ქვეყნები იქნებიან მასპინძლები:

1. იტალია

2. საქართველო

3. ჩეხეთი-უნგრეთიდან ერთ-ერთი

4. გერმანია-ესტონეთიდან ერთ-ერთი
ქომაგი
12:04 15-07-2019
0

ასევე დაგაინტერესებთ
სიახლეები პოპულარული