18 აპრილს მანუჩარ მარკოიშვილის "რეჯიო ემილიამ" იტალიის ჩემპიონატის 26-ე ტურში კრემონას "ვანოლის" უმასპინძლა და ანგარიშით 91:84 დაამარცხა. ქართველმა კალათბურთელმა სასტარტო ხუთეულში დაიწყო და მოედანზე 30 წუთი გაატარა. ამ ხნის განმავლობაში მარკოიშვილმა 7 ქულა, 4 პასი და 1 მოხსნა გაიფორმა. ყველაზე მეტი, 23 ქულა ქართველის ამერიკელმა თანაგუნდელმა ჯულიან რაითმა ჩააგდო.
"რეჯიო ემილია" მომდევნო მატჩს 22 აპრილს, ასევე შინ, "ტორინოსთან" გამართავს.
