ზაზა ფაჩულიას სპორტის რაინდის წოდება მიენიჭა. ამის შესახებ ინფორმაციას საქართველოს პრემიერ-მინისტრის, მამუკა ბახტაძის ოფიციალური Facebook-გვერდი აქვეყნებს. "ზაზა ფაჩულიას NBA-ს ორგზის ჩემპიონობა მივულოცეთ.
განათლებასთან ერთად, სპორტის განვითარება ჩვენთვის უმთავრესი პრიორიტეტია. ჩვენი მთავრობა ყველაფერს გააკეთებს სპორტისა და ჯანსაღი ცხოვრების წესის პოპულარიზაციისთვის.
დიდი მადლობა ზაზას ყველაფრისთვის, რასაც ის ქვეყნისათვის აკეთებს!", - წერია პრემიერ-მინისტრის გვერდზე.
აღნიშნული ჯილდოს მიღებას სოციალურ ქსელში თავად ფაჩულიაც გამოეხმაურა.
"მადლობა საქართველოს პრემიერ-მინისტრს, ბ-ნ მამუკა ბახტაძეს და კულტურისა და სპორტის მინისტრს, ბ-ნ მიხეილ გიორგაძეს სპორტის რაინდის წოდების მონიჭებისათვის", - წერს ფაჩულია.
"კარიერის დასასრულებლად ფსიქოლოგიურად და ფიზიკურად მზად არ ვარ"
იანგი ხალათით, ლებრონის დაცინვა და შიო ხეცურიანი - "გოლდენ სტეიტის" საჩემპიონო აღლუმი
!["2+1" - რა ფოტოს აქვეყნებს ფაჩულია "გოლდენ სტეიტის" მორიგი ჩემპიონობის შემდეგ [PHOTO]](/pictures/image7/18d55b767c968851e93dbc58de20707b.jpg "\"2+1\" - რა ფოტოს აქვეყნებს ფაჩულია \"გოლდენ სტეიტის\" მორიგი ჩემპიონობის შემდეგ [PHOTO]")
