ტედ მაკფადენი 12 ქულით და გამარჯვებით დაბრუნდა

AutoSharing Option
საქართველოს ეროვნული ნაკრების ნატურალიზებული ამერიკელი ლეგიონერი, ტედ მაკფადენი მოედანს დაუბრუნდა. დაახლოებით თვენახევრის წინ მან ტრავმა მიიღო და თავის ესპანურ კლუბს – ტენერიფეს "იბეროსტარს" ვერ ეხმარებოდა. ესპანეთის ჩემპიონატის მორიგ ტურში მაკფადენმა “ფუენლაბრადასთან” ითამაშა და საკმაოდ შედეგიანადაც.

კუნძულელებმა “ფუენლაბრადას” 96:65 სძლიეს, მაკფადენი კი თამაშში სათადარიგოთა სკამიდან ჩაერთო და 13:45 წუთში 12 ქულა და 2 მოხსნა მოაგროვა.

მაკფადენმა 2-დან 1 ორქულიანი, 4-დან 3 სამქულიანი და 1 საჯარიმო ჩააგდო, მის წინააღმდეგ კი ერთხელ დაჯარიმდნენ.

ტენერიფელებს 11 მოგება და 6 მარცხი აქვთ და სატურნირო ცხრილში
მე-5 ადგილი უკავიათ, მომდევნო მატჩს კი 27 იანვარს, სტუმრად, “ესტუდიანტესთან” გამართავენ.

მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული