ესპანეთის ჩემპიონატის 30-ე ტურის მატჩში გიორგი შერმადინის “უნიკახა” მადრიდის “ესტუდიანტესს” ესტუმრა. შეხვედრა თავიდან ბოლომდე თანაბარი იყო, თუმცა მატჩის უმეტეს დროში მალაგელები ლიდერობდნენ და დამსახურებულადაც გაიმარჯვეს – 80:72.“უნიკახას” წარმატებაში დიდი წვლილი მიუძღვის გიორგი შერმადინს, რომელმაც 22 წუთი ითამაშა და ორმაგ დუბლამდე მცირედი დააკლდა: 12 ქულა, 8 მოხსნა, 1 პასი. გიორგიმ 4 საჯარიმო და 8 ორქულიანი სტყორცნა, საიდანაც 4-4 ჩააგდო.
სტუმართა ბომბარდირი 17 ქულით ვილტიერი გახდა, ხოლო მატჩისა – "ესტუდიანტესის" ამერიკელი ვიტინგტონი.
“უნიკახას” 18 მოგება, 12 წაგება აქვს და ცხრილში მეხუთე
ამავე ტურში ტენერიფეზე დამარცხდა ტედ მაკფადენის “ხუვენტუდი” – 72:79.
საქართველოს ნაკრების ამერიკელმა უკანახაზელმა 16 წუთში 12 ქულა, 2 მოხსნა და 1 პასი მიითვალა. თადმა 6-დან 4 სამიანი ჩააგდო.
მის “ხუვენტუდს” 16 მოგება, 14 წაგება აქვს და მე-7 ადგილზეა.
მომზადებულია GBF.GE-ს მიხედვით
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
