![](https://sportall.ge/pictures/image31/9397a0208502247e4cc0e15e644a5431.jpg)
ზაზა ფაჩულიამ მოთამაშის კარიერა დაასრულა და "გოლდენ სტეიტში" იმუშავებს - ამის შესახებ ინფორმაცია კლუბმა საიტით გაავრცელა.
ფაჩულია "გოლდენ სტეიტში" დაბრუნდება და კონსულტანტად იმუშავებს ბიზნეს და საკალათბურთო საკითხებში.
ფაჩულია NBA-ში 16 წელი ასპარეზობდა, 1098 მატჩი ჩაატარა (საშუალოდ 6.8 ქულას, 5.8 მოხსნას და 1.3 შედეგიან გადაცემას აკეთებდა), "გოლდენ სტეიტის" შემადგენლობაში კი ორჯერ გახდა ჩემპიონი.
"გოლდენ სტეიტის" გარდა, ის "დეტროიტის", "ორლანდოს", "მილუოკის", "ატლანტას" და "დალასის" ღირსებას იცავდა.
ფაჩულია საქართველოს ნაკრებში 2003-17 წლებში თამაშობდა და სამჯერ მიიღო ევრობასკეტზე მონაწილეობა.