სანდრო მამუკელაშვილის 18 ქულა და სეზონის საუკეთესო მატჩი აიოვაში

AutoSharing Option
სანდრო მამუკელაშვილმა მიმდინარე სეზონის საუკეთესო მატჩი ჩაატარა. ამერიკის სტუდენტური ლიგის მატჩში ქართველი ფორვარდის “სეტონ ჰოლი” სტუმრად აიოვას უნივერსიტეტს შეხვდა და 84:76 დაამარცხა.

მამუკელაშვილმა მოედანზე 33 წუთი გაატარა და გუნდს 18 ქულა, 6 მოხსნა (3 შეტევაში), 1 პასი, 1 ჩაჭრა და 2 დაფარება შესძინა. ახალგაზრდა ქართველმა ფორვარდმა 6-დან 4 ორქულიანი, 4-დან 3 სამქულიანი და 2-დან 1 საჯარიმო ჩააგდო, ბურთი ერთხელ დაკარგა და 3 პერსონალური ფოლი მიიღო.

სანდროზე შედეგიანი მხოლოდ მაილს პაუელი იყო, რომელმაც 24 ქულა ჩააგდო, თუმცა კი, თამაშიდან 10 ტყორცნა
გაუცუდდა და სარგებლიანობის კოეფიციენტი ჩვენებურზე უარესი ჰქონდა.

"სეტონ ჰოლი" მეტოქეს დიდი ხნის განმავლობაში ჩამორჩებოდა, გადამწვეტი კი 10-ქულიანი გაქცევა აღმოჩნდა, რომელიც საფინალო სირენამდე ხუთიოდე წუთით ადრე, სანდროს ზუსტ სამქულიანს მოჰყვა. მიმდინარე სეზონში სეტონჰოლელ "პირატებს" 6 მოგება და 2 მარცხი აქვთ. მორიგ მატჩს მამუკელაშვილის გუნდი კვლავ აიოვას უნივერსიტეტთან, ამჯერად მშობლიურ ნიუ-ორანჟში, 9 დეკემბერს გამართავს.

მომზადებულია GBF.GE-ს მიხედვით
მკითხველის კომენტარები / 1 /
შემდეგი ისევ გასვლა აქვთ აიოვაში. კალათბურთში პირიქითაა პირველი გუნდი ვინც წერია ის თამაშობს გასვლაზე. და თან მშობლიური ნიუ-ორანჟი რა არის? ამაზე და გიორგიზე რასაც წერთ ყოველთვის შეცდომით წერთ ან ლიგას ან ქალაქს ან უნივერსიტეტს. არადა ორივე ძაან კაი ბიჭია რომ ჰკითხოთ გიპასუხებენ.
მიდი სანდრო
20:12 02-12-2019
0

სიახლეები პოპულარული