ლიგა ენდესის 23-ე ტურში თორნიკე შენგელიას "ბასკონიამ" საკუთარ მოედანზე გიორგი შერმადინის "იბეროსტარი" 75:58 დაამარცხა.
შენგელიამ 24:45 წუთში 11 ქულა (4-დან 2 ორქულიანი, 2-დან 0 სამიანი, 8-დან 7 საჯარიმო), 5 მოხსნა და 2 პასი მიითვალა, მისი მარგი ქმედების კოეფიციენტი კი 17-ს გაუტოლდა.
თორნიკეს მატჩის დაწყების წინ თებერვლის თვის ლიგის საუკეთესო მოთამაშის პრიზი გადასცეს.
შერმადინმა 25:09 წუთში 16 ქულა ჩააგდო (11-დან 7 ორქულიანი, 4-დან 2 საჯარიმო), 9-ჯერ მოხსნა ბურთი და 1 შედეგიანი გადაცემა გააკეთა. ის მატჩის ბომბარდირი გახდა, ხოლო მისი მარგი ქმედების კოეფიციენტი
20 იყო და ამ მაჩვენებლით საუკეთესო გახლდათ.
საქართველოს ნაკრების ნატურალიზებული კალათბურთელი მეტ ჯენინგი "ბასკონიას" 1 ქულით შეეწია.
ამ გამარჯვებით "ბასკონია" პლეი-ოფის ზონაში შევიდა, 12 მოგებით მე-8 ადგილზეა და 15 მარტს სტუმრად "ვალენსიას" დაუპირისპირდება.
"იბეროსტარი" 14 მოგებით მეოთხე პოზიციაზეა და 14 მარტს "გრან კანარიას" შეხვდება.
ნამდვილი საოცრება - შენგელიამ და ჯენინგმა ბასკონიას წაგებული თამაში მოაგებინეს და პლეი-ოფის ზონას მიუახლოვდნენ 
შერმადინმა 25 ქულა ჩააგდო - "იბეროსტარმა" პლეი-ოფის პირველ მატჩში იმარჯვა
