![](https://sportall.ge/pictures/image31/c3489999a3f792c844a264d7b94b8f1d.jpg)
Eurohoops-ის ჟურნალისტი ვარლას ნიკოსიც ადასტურებს, რომ "ბასკონიას" კაპიტნის, თორნიკე შენგელიას კონტრაქტს მოსკოვის ცსკა 1.5 მილიონ ევროდ გამოისყიდის და სამწლიან ხელშეკრულებას გაუფორმებს. მისი მტკიცებით, მხარეებმა უკვე ყველა დეტალი შეათანხმეს.
Piratas Del Basket-ი კი ირწმუნება, რომ შეიძლება თორნიკესთან ერთად "არმიულ" გუნდში "ბასკონიას" 24 წლის არგენტინელი გამთამაშებელი ლუკა ვილდოსა (სიმაღლე 194 სმ) გადავიდეს, რომელიც ესპანეთის ჩემპიონატის ფინალის საუკეთესო მოთამაშედ აღიარეს.
ვილდოსა ბასკური გუნდის ღირსებას 2017 წლიდან იცავს, ევროლიგის ვადამდე შეწყვეტილ გათამაშებაზე კი საშუალოდ მატჩში 7.1 ქულასა და 3.2 გადაცემას აგროვებდა. ამჟამად კლუბები ვილდოსას
ტრანსფერზე მოლაპარაკებას აწარმოებენ.
რაც შეეხება "ბასკონიას", უკვე გაცნობეთ, რომ "პანათინაიკოსიდან" თავისუფალი აგენტის სტატუსით აბარგებული მძიმე ფორვარდის, დეშონ ტომასის გადაბირებას ცდილობს, თუმცა მან შეიძლება კარიერა "ტოკიოში" გააგრძელოს.
ვიტორიული კლუბი აგრეთვე მოლაპარაკებას აწარმოებს "ანადოლუ ეფესის" 25 წლის ამერიკელ ლეგიონერ ალეკ პიტერსთან (სიმაღლე 206 სმ).
ყვეტილება შენგელია რა გვარს არცხვენ....რისი დაწერაც მინდა აქ დაბლოკავენ და ამით შემოვიფარგლები
თქვენ თუ რაიმე შეგიძლიათ, გააკეთეთ. თუ იმ დონის წარმატებას მიაღწევთ თქვენ საქმეში, რასაც თორნიკემ მიაღწია, შეგიძლიათ რეალურ სიტუაციაში შეაფასოთ მისი ქმედება. ისე კი, ეგეთი კომენტარები სრულიად უსაფუძვლოა!