ლიგა ენდესას მეორე ტურში გიორგი შერმადინის "იბეროსტარმა" გასვლაზე 81:70 დაამარცხა "ბილბაო".
ქართველმა ცენტრმა 24:44 წუთში 19 ქულა (10-დან 5 ორქულიანი და 10-დან 9 საჯარიმო), 3 მოხსნა და 1 პასი მიითვალა, მისი სარგებლიანობის კოეფიციენტი კი 20 იყო და მატჩის საუკეთესო კალათბურთელი გახდა.
"იბეროსტარში" ასევე 19 ქულა ბრუნო ფიტიპალდოს ანგარიშზეა, ხოლო "ბილბაოში" ამდენივე ქულა თავის გუნდს ჯეილონ ბრაუნმა შესძინა.
"იბეროსტარმა" ჩემპიონატის სტარტზე ორივე შეხვედრაში იმარჯვა და 26 სექტემბერს სტუმრად "მურსიას" დაუპირისპირდება.
![alt](/pictures/image50/a4fc6ee8b5a9bfd4c01dd5ca598874b3.jpg "შერმადინმა 19 ქულა ჩააგდო და "ბილბაოსთან" მოგებულ მატჩში MVP გახდა")
შერმადინის 17 ქულა და "იბეროსტარის" გამარჯვება ოვერტაიმში
