ასპროცენტიანი MVP შერმადინი და "ტენერიფე" ესპანეთში დაუმარცხებლად ლიდერობს

AutoSharing Option
“ტენერიფე იბეროსტაროს” კიდევ ერთი გამარჯვება და გიორგი შერმადინის მორიგი MVP-ის ტიტული. ტენერიფელებმა ესპანეთის ჩემპიონატის მე-5 ტურში “ხუვენტუდს” უმასპინძლეს და ქართველი ლეგიონერის წინამძღოლობით დაძაბულ ბრძოლაში 86:82 გაიმარჯვეს.

ეს გახლდათ ტენერიფეს ზედიზედ მე-5 გამარჯვება და შერმადინის გუნდი ესპანეთის ჩემპიონატს დაუმარცხებლად ლიდერობს. ამ ტურის მატჩები სათამაშო აქვთ ასევე დაუმარცხებელ “ბარსელონასა” და “რეალს”, რომლებიც “იბეროსტარს” ჯერჯერობით არ რჩებიან.

თამაშის ბედი ბოლო პერიოდში გადაწყდა, მანამდე კი თანაბარი ბრძოლა მიმდინარეობდა. ქართველი ლეგიონერის დამაჯერებელი თამაშის წყალობით გადამწყვეტ წუთებში ტენერიფელებმა მოახერხეს გამარჯვების მოპოვება. შერმადინმა გამარჯვებულთაგან საბოლოოდ ყველაზე მაღალი
შედეგი დააფიქსირა და რაღა თქმა უნდა, მატჩის საუკეთესო მოთამაშის პრიზიც დაიმსახურა.

ქართველი ცენტრი სასტარტო ხუთეულში გახლდათ და მოედანზე 28:05 წუთი გაატარა. გიორგის არ ჰქონია ცენტრისთვის დამახასიათებელი ბევრი მოხსნები, თუმცა 16 ქულა ბურთის აუცილებლად მოაგროვა და სარგებლიანობის კოეფიციენტით ყველას აჯობა. შერმადინმა 3-დან 3 ორქულიანი და 10-დან 10 საჯარიმო ჩააგდო, რასაც მეტოქის ფარზე მოპოვებული 2 მოხსნა და 1 პასი მოაყოლა. მისმა სარგებლიანობის ინდექსმა 25 ერთეული შეადგინა, რაც მატჩში საუკეთესო არ ყოფილა (ხუვენტუდელ ანტე ტომიჩს 35 დაუგროვდა), თუმცა გამარჯვებულთაგან ეს შედეგი ვერავინ გადაფარა და MVP-ის მორიგი ტიტულიც ქართველმა დაისაკუთრა.

შემდეგი ტურის მატჩს ტენერიფელები მალაგაში, შერმადინის ყოფილ გუნდ “უნიკახასთან”, 25 ოქტომბერს გამართავენ.

GBF.GE

მკითხველის კომენტარები / 1 /
მაგ ჭყანვას თავი ვერ დაანება, თორე ისე მაგარია შერმადინი კი.
ddgfdf
19:53 18-10-2020
10

სიახლეები პოპულარული