წინ დიდი გეგმებია - მამუკელაშვილი "სეტონ ჰოლს" პომპეზურად დაემშვიდობა [VIDEO]

AutoSharing Option
AUTO PLAY
სანდრო მამუკელაშვილი შედეგიანი წარმოდგენით დაემშვიდობა "სეტონ ჰოლის" ფანებს. მისმა გუნდმა მიმდინარე სეზონის ბოლო მატჩი გამართა საკუთარ არენაზე, სადაც გამონაკლისი დაუშვეს და პანდემიის გამო აკრძალვის მიუხედავად, 1700 ფანი ტრიბუნაზე დაუშვეს.

ცნობილია, რომ მამუკელაშვილი ამ სეზონის ბოლოს დრაფტზე დადგება, რაც ნიშნავს, რომ ის "სეტონ ჰოლს" დაემშვიდობება. შესაბამისად, მას "მეკობრეების" არენაზე თამაში აღარ მოუწევს. Big East-ის კონფერენციის პლეი-ოფი ნიუ-იორკში, "მედისონ სკვერ გარდენში" გაიმართება.

სეტონჰოლელებმა Big East-ის კონფერენციის დებიუტანტი "კონექტიკუტი" მიიღეს და 58:69 დამარცხდნენ. მამუკელაშვილი მოედანზე მყოფთაგან საუკეთესო იყო. ქართველმა ფორვარდმა 37 წუთში 20
ქულა, 10 მოხსნა, 3 პასი და 2 ჩაჭრა მიითვალა. სანდრომ ბურთი ორჯერ დაკარგა და 3-ჯერ დაჯარიმდა. მან 12-დან 4 ორქულიანი, 8-დან 3 სამიანი და 3-დან 3 საჯარიმო ჩააგდო.

10 მოგებითა და 8 მარცხით "სეტონ ჰოლი" კონფერენციაში მე-4 ადგილზეა. სანდროს გუნდს გაუჭირდება NCAA-ს ჩემპიონატში ("მარტის სიგიჟე") მოხვედრა, თუმცა Big East-ის ჩემპიონატში გამარჯვებისთვის იბრძოლებს. შემდეგ მატჩს "სეტონ ჰოლი" სტუმრად "სენტ ჯონსთან", 7 მარტს გამართავს.

GBF

მკითხველის კომენტარები / 4 /
რაში მჭირდება მამუკელაშვილი ან ბითაძე თუ ნაკრებს არ გამოადგებიან
გრიგოლი1408
20:56 04-03-2021
8
სანდროს წარმატებები რა თქმა უნდა.
ავტორო რომ წერ მოედანზე მყოფთაგან საუკეთესო იყოვო 31 ქულა გააფუჭა და 11 ქულით წააგეს. მე არ ვთვლი ასეთ თამაშს საუკეთესოდ. დაწერეთ რა რაც იყო - ყველაზე მეტი ქულა მოიპოვა. ეს არ ნიშნავს საუკეთესოობას.

სროლაზე იმუშავე სანდრო!!
1

სიახლეები პოპულარული