G ლიგაში მორიგი მეგა-მატჩი გამართა სანდრო მამუკელაშვილმა.
ქართველი ლეგიონერის "ვისკონსინ ჰერდმა" "ვინდი სიტი ბულსს" უმასპინძლა და 124:116 დაამარცხა.
მასპინძელთა რიგებიდან საუკეთესო მექულე სანდრო მამუკელაშვილი გახლდათ, რომელმაც თავი 28 ქულით (5/7 სამქულიანი), 6 მოხსნით, 3 შედეგიანი გადაცემით, 1 ჩაჭრითა და 3 დაფარებით გამოიჩინა.
კარგი მატჩი გამართა ჯორდან ნვორამაც, რომელმაც გუნდს 22 ქულა, 3 მოხსნა და 2 შედეგიანი გადაცემა შესძინა. შეგახსენებთ, ჯორდანი და "მამუ" სეზონის სტარტზე "მილუოკი ბაქსის" შემადგენლობაში გამოდიოდნენ, თუმცა "ირმების" ხელმძღვანელობამ მეტი სათამაშო დროის გამო კალათბურთელები საკუთარ G ლიგის გუნდში გაუშვა.
ამრიგად, "ვისკონსინ ჰერდი" 6 გამარჯვებითა და 0 მარცხით 1-ელ ადგილზე იმყოფება, მომდევნო შეხვედრას კი 1-ელ დეკემბერს, იმავე "ვინდი სიტი ბულსის" პირისპირ ჩაატარებს.
![მამუკელაშვილის 16 წუთი და ვემბანიამას ფენომენალური მატჩი - "სან ანტონიო სპურსმა" "საკრამენტო კინგსი" დაამარცხა [VIDEO]](/pictures/image7/f23b6d776512204cee5bdf9332d1bc0b.png "მამუკელაშვილის 16 წუთი და ვემბანიამას ფენომენალური მატჩი - \"სან ანტონიო სპურსმა\" \"საკრამენტო კინგსი\" დაამარცხა [VIDEO]")
![მამუკელაშვილის სეზონის საუკეთესო მატჩი - "სან ანტონიო სპურსმა" "იუტა ჯაზი" დაამარცხა [VIDEO]](/pictures/image7/809e6ab642ef7f39174e0976f458e9c7.jpg "მამუკელაშვილის სეზონის საუკეთესო მატჩი - \"სან ანტონიო სპურსმა\" \"იუტა ჯაზი\" დაამარცხა [VIDEO]")
![მამუკელაშვილის მორიგი შედეგიანი მატჩი - "სპურსმა" "ჯაზი" დაძაბულ ბრძოლაში დაამარცხა [VIDEO]](/pictures/image7/37e9e74b492137826db037756e1eaa1d.jpg "მამუკელაშვილის მორიგი შედეგიანი მატჩი - \"სპურსმა\" \"ჯაზი\" დაძაბულ ბრძოლაში დაამარცხა [VIDEO]")
