თორნიკე შენგელიას "ვირტუსმა" სერია A-ს ფინალური სერიის მეხუთე მატჩში სახლში 84:78 სძლია "მილანს".
შენგელიამ 30 წუთში 15 ქულა (6-დან 4 ორქულიანი, 2-დან 1 სამქულიანი, 7-დან 4 საჯარიმო), 2 მოხსნა, 5 პასი და 1 დაფარება მიითვალა, მისი სარგებლიანობის კოეფიციენტი კი 14 იყო.
თორნიკემ მეოთხე მეოთხედში გადამწყვეტ მომენტში თავის გუნდს 5 ქულა შესძინა, დაცვაშიც შესანიშნავად გაისარჯვა, ბოლო წუთზე კი მეხუთე ფოლი მიიღო და მოედნის დატოვება მოუწია, თუმცა იმ დროისთვის გამარჯვებულის ვინაობა უკვე გამოვლენილი იყო.
სერია 4 მოგებამდეა. ბოლონიელებმა სხვაობა მინიმუმამდე შეამცირეს და შემდეგ შეხვედრას გასვლაზე 18 ივნისს ჩაატარებენ.
ნამატჩევს შენგელიამ კომენტარი Rai Sport-თან და Discovery-სთან გააკეთა: "ჩვენ ბრძოლისთვის მზად ვიყავით. თამაში ძალიან ძლიერად დავიწყეთ და ასევე დავასრულეთ. ასეთივე უნდა იყოს ჩვენი შემართება მილანში მეექვსე შეხვედრაში, სადაც მეტოქეს ხმაურიანი აუდიტორია დაუჭერს მხარს. ეს მოტივაციისათვის უნდა გამოვიყენოთ. უნდა მოვიგოთ და თამაშში დავრჩეთ. საჭიროა საკუთარ თამაშზე მოვახდინოთ კონცენტრაცია, ისევე, როგორც დღეს; ბოლომდე ვიბრძოლოთ და ვინ იცის, შემდეგ რა მოხდება.
ჩემი ფიზიკური მდგომარეობა? არავითარი თავის მართლება. თუ დარბაზში მივედი, ე.ი. მზად ვარ, რადგან მწვრთნელი მენდობა, თანაგუნდელები მენდობიან. ამიტომ მათი დაღალატება არ შემიძლია. ჯერ კიდევ ვიბრძვით: სიამაყით, საჭირო ენერგიითა და სწორი განწყობით".
![alt](/pictures/image50/a07b41c4120f825244ca86d0a8ced964.jpg "შენგელიას სუპერმატჩი - "ვირტუსმა" სხვაობა მინიმუმამდე შეამცირა")
შენგელიას 21-მა ქულამ "ვირტუსი" მარცხისგან ვერ იხსნა
!["ვირტუსმა" "რეჯინა" ბრძოლაში დაამარცხა, შენგელია კი მატჩის MVP გახდა [VIDEO]](/pictures/image7/e124a4149e6cdf70d082fa0cc70c9170.jpg "\"ვირტუსმა\" \"რეჯინა\" ბრძოლაში დაამარცხა, შენგელია კი მატჩის MVP გახდა [VIDEO]")
![შენგელიას 21-მა ქულამ "ვირტუსს" "მილანში" ვერ უშველა [VIDEO]](/pictures/image7/af5a0e0b1ea8ee426abd835c72304a77.jpeg "შენგელიას 21-მა ქულამ \"ვირტუსს\" \"მილანში\" ვერ უშველა [VIDEO]")
![შენგელია "პანათინაიკოსთან" საუკეთესო იყო და ევროლიგაში 3000-ქულიანი ბარიერიც დაძლია [VIDEO]](/pictures/image7/a7a9270370e48a61d75653cb115da7ff.jpg "შენგელია \"პანათინაიკოსთან\" საუკეთესო იყო და ევროლიგაში 3000-ქულიანი ბარიერიც დაძლია [VIDEO]")
