ბექა ბურჯანაძის "რეჯიო ემილიამ" 2022 წელი ამაღლებული განწყობით დაასრულა. იტალიის სერია “ა”-ს ცხრილის ბოლოში მყოფმა გუნდმა უიღბლო სერია ლიდერთა შორის მყოფ “პესაროს” ძლევით შეწყვიტა. ბოლო 7 მატჩის წამგებმა რეჯიოემილიურმა გუნდმა დიდებული შეხვედრა ჩაატარა და "პესაროს" 95:76 სძლია.გამარჯვებაში სოლიდური წილი დაიდო ქართველმა ფორვარდმა. ბურჯანაძე თამაშში სათადარიგოთა სკამიდან ჩაერთო და მოედანზე გატარებულ 24 წუთში 10 ქულა, 3 მოხსნა, და 1 დაფარება მიითვალა. ბექამ 3-დან 2 ორქულიანი და 4-დან 2 სამიანი ჩააგდო. მისმა სარგებლიანობის ინდექსმა 15 შეადგინა, რაც გამარჯვებულთაგან ერთ-ერთი საუკეთესო შედეგი
ეს გახლდათ ემილიელთა მე-3 გამარჯვება, თუმცა ბურჯანაძის გუნდს 10 მარცხი აქვს და გუნდი კვლავ ცხრილის ბოლოში იმყოფება. შემდეგ მატჩს "რეჯიო ემილია" 8 იანვარს, შინ "სასარისთან" გამართავს.
GBF.GE.
![alt](/pictures/image50/038fa46f338b34112a2782aac9f980dc.png "ბურჯანაძის 10 ქულა და "რეჯიო ემილიამ" წარუმატებელი სერია შეწყვიტა")
ბექა ბურჯანაძე კვლავ სასტარტოში გამოჩნდა და "ბრეშას" 8 ქულა ჩაუგდო
