სანდროს მაგარი მატჩი და "სპურსის" 23 ქულიანი ქამბექი მოქმედ ჩემპიონთან [VIDEO]

ნაციონალური საკალათბურთო ასოციაციის რეგულარული სეზონის მორიგ ტურში "სან ანტონიო სპურსმა" "დენვერ ნაგეთსს" უმასპინძლა და დაძაბულ ბრძოლაში 121:120 დაამარცხა. აღსანიშნავია, რომ გრეგ პოპოვიჩის გუნდმა 23 ქულიანი ჩამორჩენის აღმოფხვრა მოახერხა და ბოლო წამებზე დევონტე გრეჰემმა მატჩის მომგები ტყორცნა შეასრულა.

ტეხასელთა რიგებში სანდრო მამუკელაშვილმა თამაში ძირითად ხუთეულში დაიწყო და მოედანზე 30:23 წუთი გაატარა, რა დროშიც 21 ქულა, 12 მოხსნა და 2 შედეგიანი პასი მიითვალა.

"სპურსის" ლიდერმა ვიქტორ ვემბანიამამ თავი 34 ქულით, 12 მოხსნითა და 5 შედეგიანი პასით გამოიჩინა.

"დენვერიდან" ჯამალ მარიმ 35 ქულა, 5 მოხსნა, 4 ასისტი და 1 ჩაჭრა მიითვალა.

ნიკოლა იოკიჩმა საკუთარ გუნდს 22 ქულა, 7 მოხსნა და 12 შედეგიანი პასი შესძინა.

ამრიგად, "დენვერ ნაგეთსი" 56 მოგებითა და 25 წაგებით დასავლეთ კონფერენციაში მესამე ადგილს იკავებს, მაიკ მელოუნის გაწვრთნილი გუნდი რეგულარული სეზონის ბოლო მატჩს ხვალ, "მემფის გრიზლის" წინააღმდეგ გამართავს.

"სან ანტონიო სპურსი" 21 გამარჯვებითა და 60 წაგებით, დასავლეთ კონფერენციაში ბოლოსწინა, მე-14 ადგილს იკავებს, ტეხასელები რეგულარული სეზონის ბოლო შეხვედრაში "დეტროიტ პისტონსს" დაუპირისპირდებიან.