როცა გოგა ბითაძეს სათამაშო დრო აქვს, ის აბსოლუტურად უმრავლეს შემთხვევაში შედეგიანად თამაშობს. ვენდელ კარტერის ტრავმის გამო ქართველი ცენტრი ორლანდო მეჯიქის სასტარტო ხუთეულში დამკვიდრდა და უვე მესამე თამაშია, ან ორმაგ დუბლს აკეთებს, ან ამ შედეგამდე მცირედი აკლდება. ასე იყო გასულ შეხვედრაშიც, რომელშიც ორლანდოელებმა "ნიუ ორლეან პელიკანსი" 115:88 დაამარცხეს. ბითაძემ სასტარტოში ითამაშა და მოედანზე გატარებულ 27 წუთში 11 ქულა, 9 მოხსნა, 3 პასი, 1 ჩაჭრა და 2 დაფარება მიითვალა. ბითაძემ მეტოქის ფარს საშუალო დისტანციიდან 6-ჯერ შეუტია და 5-ჯერ წარმატებით, ზუსტი აღმოჩნდა მისი
"ორლანდო მეჯიქს", რომელსაც ტრავმების გამო პაოლო ბანკერო და ვენდელ კარტერ-უმცროსი ვერ ეხმარებოდნენ, 27 ქულით ფრანც ვაგნერმა ულიდერა. 17 ქულით დაასრულა თამაში მისმა ძმამ, მორიცმა. სტუმართა გუნდში, რომელსაც ლიდერები ვერ ეხმარობდნენ, 26 ქულით ბრენდონ ბოსტონი გამოირჩა.
"ორლანდო მეჯიქს" ჩატარებულ 10 თამაშში 4 მოგება აქვს და აღმოსავლეთ კონფერენციის სატურნირო ცხრილში მე-7 პოზიციას იკავებს. მომდევნო შეხვედრას გოგა ბითაძის გუნდი ისევ საკუთარ მოედანზე, "ვაშინგტონ უიზარდსთან" გამართავს.
GBF.GE
![alt](/pictures/image50/eb0a08347c64bc15b9ade4ad351157ee.jpg "ბითაძის 11 ქულა, 9 მოხსნა და "ორლანდოს" იოლი გამარჯვება "პელიკანსთან"")
ბითაძის ორმაგი დუბლი ყოფილ გუნდთან - "ინდიანა პეისერსმა" "ორლანდო მეჯიქი" დაამარცხა [VIDEO]
![ბითაძის მეორე ორმაგი დუბლი და "ორლანდოს" ზედიზედ მეორე გამარჯვება [VIDEO]](/pictures/image7/7f4aad491147e22f485203e4f400edf3.jpg "ბითაძის მეორე ორმაგი დუბლი და \"ორლანდოს\" ზედიზედ მეორე გამარჯვება [VIDEO]")
![ბითაძე სასტარტო ხუთეულში დაბრუნდა, ქართველს ორმაგ დუბლამდე ცოტა დააკლდა [VIDEO]](/pictures/image7/b824e9dbaa7f3709088e9b44c6d3c864.png "ბითაძე სასტარტო ხუთეულში დაბრუნდა, ქართველს ორმაგ დუბლამდე ცოტა დააკლდა [VIDEO]")
