ბითაძის ბრწყინვალე მატჩი - ქართველი "ფინიქს სანსთან" შეხვედრის MVP გახდა [VIDEO]

ნაციონალური საკალათბურთო ასოციაციის მორიგ ტურში "ორლანდო მეჯიქმა" "ფინიქს სანსი" 115:110 დაამარცხა. აღნიშნული შეხვედრის საუკეთესო მოთამაშე კი მასპინძელთა ცენტრი გოგა ბითაძე გახდა.

ქართველმა კალათბურთელმა მოედანზე 30:38 წუთი გაატარა რა დროშიც 21 ქულა, 16 მოხსნა და 4 შედეგიანი პასი დააგროვა.

ბითაძისთვის ეს მატჩი ორმაგად გამორჩეული იყო, რადგან ქულებში მან მიმდინარე სეზონის პირადი რეკორდი (21) დაამყარა, ხოლო მოხსნებში სულაც კარიერის რეკორდი (16) დააფიქსირა. რაც შეეხება 4 შედეგიან გადაცემას, მან მიმდინარე სეზონში ეს შედეგი მეორედ დააფიქსირა.

არიზონელებს ტრავმის გამო გუნდის ლიდერი კევინ დურანტი ვერ დაეხმარა. მის არყოფნაში "ფინიქსს" დევინ ბუკერმა ულიდერა, რომელმაც 38:16 წუთში 25 ქულა, 4 მოხსნა და 7 ასისტი დააგროვა.

"ორლანდოდან" ასევე გამორჩეული იყო ჯეილენ საგსი, უკანახაზელმა საკუთარ გუნდს 26 ქულა, 4 მოხსნა და 2 შედეგიანი პასი შესძინა.

ამრიგად, "ორლანდო მეჯიქი" 17 მოგებითა და 9 მარცხით, აღმოსავლეთ კონფერენციაში მესამე ადგილს იკავებს, ჯამალ მოსლის გაწვრთნილი გუნდი მორიგ შეხვედრას 11 დეკემბერს, "მილუოკი ბაქსის" წინააღმდეგ გამართავს.

"ფინიქსი" 12 მოგებითა და 11 მარცხით, დასავლეთ კონფერენციაში მეათე ადგილზეა, "სანსი" 14 დეკემბერს, "იუტა ჯაზს" დაუპირისპირდება.

გოგა ბითაძე VS ნიკოლა იოკიჩი | "ორლანდომ" "დენვერი" ბოლო წამებზე დაამარცხა [VIDEO]

ასე დაემშვიდობა "ინდიანა" გოგა ბითაძეს [VIDEO]

"როცა გრძნობ, რომ მეტი შეგიძლია და ამის შესაძლებლობა არ გეძლევა..." - გოგა ბითაძე