ესპანეთის სამეფო თასის ნახევარფინალში გიორგი შერმადინის "ტენერიფე" "უნიკახასთან" ბრძოლაში – 83:90 დამარცხდა და სატიტულო მატჩის მიღმა დარჩა. ქართველი ცენტრი თავის გუნდში საუკეთესო იყო, თუმცა მხოლოდ შერმადინის კარგი თამაში ფავორიტად მიჩნეული მალაგური გუნდის დასამარცხებლად საკმარისი არ აღმოჩნდა. შერმადინი სასტარტო ხუთეულში არ ყოფილა, თუმცა ამას ხელი არ შეუშლია მისთვის, გამხდარიყო "ტენერიფეს" ყველაზე შედეგიანი მოთამაშე. მან მოედანზე 20:32 წუთი დაჰყო, რა დროშიც 13 ქულა, 7 მოხსნა და 4 პასი მოაგროვა. ქართველმა ცენტრმა თამაშიდან ნასროლი ექვსივე ორქულიანი ჩააგდო, ხოლო 3 საჯარიმოდან 1 გამოიყენა.
შერმადინზე
ამით "ტენერიფემ" დაასრულა თასის გათამაშებაში ასპარეზობა და შერმადინს საქართველოსკენ გზა გაეხსნა. ქართველი ცენტრი თბილისში ხვალ გამოფრინდება და ევრობასკეტის საკვალიფიკაციო მატჩებისთვის სამზადისში მყოფ საქართველოს ეროვნულ ნაკრებს შეუერთდება.
GBF.GE
![alt](/pictures/image50/0cbadd33d2f341f79a751a5e07d73e89.jpg "შერმადინი საუკეთესო იყო, თუმცა "ტენერიფე" ფინალში ვერ გავიდა")
შერმადინის "ტენერიფემ" "ბარსელონა" დაამარცხა და თასის ნახევარფინალში "უნიკახას" შეხვდება
