ბითაძის 6 წუთი - "ორლანდომ" "კლივლენდის" 16-მატჩიანი მოგებათა სერია დაასრულა

AutoSharing Option
ნაციონალური საკალათბურთო ასოციაციის რეგულარული სეზონის მორიგ ტურში "ორლანდო მეჯიქი" "კლივლენდ კავალიერსს" ესტუმრა და 108:103 დაამარცხა, ამით კი მასპინძელთა ზედიზედ 16-მატჩიანი მოგებათა სერია შეწყდა.

სამწუხაროდ, "ორლანდოს" რიგებში ბოლო პერიოდში გოგა ბითაძეს ძირითად ხუთეულში ვეღარ ვხედავთ, საქართველოს ნაკრების ცენტრი მოედანზე მესამე მეოთხედის ბოლოს გამოჩნდა და მხოლოდ 6 წუთი ითამაშა, რა დროშიც 3 ქულა და 1 მოხსნა დააგროვა.

მატჩის საუკეთესო მოთამაშე "მეჯიქის" ლიდერი პაოლო ბანჩერო გახდა, რომელმაც 38 წუთში 24 ქულა, 11 მოხსნა და 7 შედეგიანი პასი მიითვალა.

"კლივლენდიდან" დონოვან მიჩელმა საკუთარ გუნდს
34 წუთში 23 ქულა, 6 მოხსნა და 5 ასისტი შესძინა.

ამრიგად, "ორლანდო" 32 მოგებითა და 37 წაგებით დასავლეთ კონფერენციაში მე-8 ადგილს იკავებს, "მეჯიქი" მორიგ შეხვედრას 20 მარტს, "ჰიუსტონ როკეტსის" წინააღმდეგ გამართავს.
მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული