გიორგი შერმადინის "ტენერიფემ" ფიბა-ს ჩემპიონთა ლიგის პლეი-ოფის საგზური ჯგუფური ეტაპის დასრულებამდე 2 ტურით ადრე მოიპოვა, თუმცა ესპანური კლუბი არ ჩერდება და წარმატებულ სვლას განაგრძობს. ჯგუფური ეტაპის ბოლოსწინა, მე-5 ტურში ტენერიფელები თურქეთში "პეტკიმ სპორს" შეხვდნენ და დაძაბულ ბრძოლაში, 85:80 დაამარცხეს. გიორგი შერმადინმა 13 წუთი ითამაშა, თავის გუნდს კი, 10 ქულით, 3 მოხსნით, 1 პასით და 1 ჩაჭრით დაეხმარა. ქართველმა ცენტრმა 5-დან 5 ორქულიანი ჩააგდო, საჯარიმო და სამქულიანი კი არ უსვრია. ყველაზე შედეგიანი კონსტანტინ კოსტადინოვი იყო: "ტენერიფეს" ბულგარელმა კალათბურთელმა 22 ქულას მოუყარა
"ტენერიფე" ჯგუფში 5 ტურის შემდეგ 5 მოგებით ლიდერია. ბოლო ტურში, 25 მარტს, "ტენერიფე" ესპანურ "მანრესას" უმასპინძლებს.
GBF.GE
![alt](/pictures/image50/2b5487b4297c0de75f62b8cefaa92b1a.jpg "შერმადინის 10 ქულა და "ტენერიფეს" ზედიზედ მე-5 მოგება ჩემპიონთა ლიგაში")
შერმადინის 21 ქულა, გასვლითი გამარჯვება და MVP-ის ტიტული
![შერმადინმა "ბარსელონასთან" გაიბრწყინა - "ტენერიფემ" ჩემპიონატის ერთ-ერთი ლიდერი გასვლაზე დაამარცხა [VIDEO]](/pictures/image7/152e1f684f28a90ae8fbf602c9f1b276.jpeg "შერმადინმა \"ბარსელონასთან\" გაიბრწყინა - \"ტენერიფემ\" ჩემპიონატის ერთ-ერთი ლიდერი გასვლაზე დაამარცხა [VIDEO]")
