რუდი გობერი ფიბასა და ევროლიგის კონფლიქტზე: ასე გაგრძელება არ შეიძლება

AutoSharing Option
"იუტასა" და საფრანგეთის ნაკრების ცენტრმა რუდი გობერმა ევროლიგისა და ფიბას ტურნირების კალენდრის თანხვედრაზე საკუთარი აზრი გამოთქვა.

"ამაზე მოთამაშის პოზიციიდან რომ ვილაპარაკოთ, მაშინ ვიტყვი, რომ კალათბურთელებმა საერთოდ არ უნდა იფიქრონ მსგავს პრობლემებზე. კალათბურთელმა უნდა ითამაშოს იქ, სადაც უნდა და ნებადართულია. კარგი იქნება, ფინა-სა და ევროლიგის ხელმძღვანელები მოლაპარაკებების მაგიდას მიუსხდნენ და ყველა დეტალზე შეთანხმდნენ, რომ მოთამაშეებს არ გაუჩნდეთ მსგავსი კითხვები: "ამის გამო რას მიზამენ? როგორ მოვასწრო თამაში აქაც და იქაც? გამომიშვებს თუ არა კლუბი?".

სამწუხაროდ, ორ ორგანიზაციას შორის კამათი ყველაზე მეტად იმ
ნაკრებებს შეეხოთ, სადაც NBA-სა და ევროლიგის ბევრი კალათბურთელი თამაშობს. ეს სამწუხაროა და ასე გაგრძელება არ შეიძლება.

თუ ფიბას მომავალში სურს დიდ ტურნირებზე საგზურების გათამაშება ასეთი ფორმატით, მაშინ მინიმუმ ევროლიგას უნდა შეუთანხმდნენ. NBA-სთან ამის გაკეთება არარეალური იქნება. სეზონი ოკეანის გაღმა ძალიან გრძელია, ხოლო მატჩების სიმჭიდროვე ძალიან მაღალია. ევროპაში გამგზავრება უბრალოდ შეუძლებელია", - თქვა გობერმა.

შეგახსენებთ, რომ ფიბასა და ევროლიგას შორის კონფლიქტის გამო საქართველოს ნაკრებიც სერიოზულად დაზარალდა, რადგან მსოფლიოს ჩემპიონატის შესარჩევი ეტაპის მატჩებში ჩვენს გუნდს თორნიკე შენგელია და გიორგი შერმადინი ვერ დაეხმარნენ.
მკითხველის კომენტარები / 0 /
კომენტარი ჯერ არ გაკეთებულა.

myquiz
სიახლეები პოპულარული