NBA. პლეი-ოფი: "მილუოკიმ" "ბოსტონთან" კლუბის რეკორდი დაამყარა [VIDEO]

AutoSharing Option
პირველ მაისს NBA-ს პლეი-ოფის მეორე რაუნდის მორიგი მატჩები გაიმართა.

"მილუოკი ბაქსმა" "ბოსტონ სელტიქს" უმასპინძლა და ანგარიშით 123:102 დაამარცხა. ამ გამარჯვებით "მილუოკიმ" სერიაში ანგარიში 1:1 გახადა.

მასპინძლებიდან ბერძენმა იანის ანტეტკოუმპომ 29 ქულა და 10 მოხსნა მიითვალა, ერიკ ბლედსოუმ კი - 21 ქულა.

სტუმრებიდან კაირი ირვინგმა მხოლო 9 ქულა ჩააგდო. NBA-ს ერთ-ერთ საუკეთესო გამთამაშებელს თამაში აშკარად არ წაუვიდა - მან 18 ტყორცნიდან მხოლოდ 4 ჩააგდო.

"მილუოკიმ" კი "სელტიქსთან" კლუბის რეკორდი დაამყარა - მასპინძლებმა პირველ ნახევარში 11 სამქულიანი ჩააგდეს, რაც პლეი-ოფში აქამდე არ
დაუფიქსირებიათ.

მილუოკი - ბოსტონი 123:102

"გოლდენ სტეიტმა" სერიაში უკვე მეორე შეხვედრა მოუგო "ჰიუსტონს" - შინ 115:109 დაამარცხა.

29-29 ქულა მოაგროვეს კევინ დურანტმა და ჯეიმს ჰარდენმა, მაგრამ ჰარდენისგან განსხვავებით, დურანტს თანაგუნდელებმაც აუბეს მხარი - კლეი ტომპსონმა 21 ქულა ჩააგდო, ხოლო სტეფ კარიმ - 20. კრის პოლი "როკეტსს" 18 ქულით შეეწია.

შეხვედრაში სამმა კალათბურთელმა შეძლო ორმაგი დუბლის შესრულება და ძირითადად "დიდებმა". დრეიმონდ გრინმა 15, 12 მოხსნა და 7 პასი გააკეთა. როგორც ჩანს, გრინი უბრუნდება ჩვეულ აქტივობას, რომელსაც გასული სეზონის პლეი-ოფში აჩვენებდა.

კლინ კაპელამ 14 ქულას 10 მოხსნა მიუმატა, ხოლო ფი ჯი ტაკერმა 13 ქულა და 10 მოხსნა მიითვალა.

გოლდენ სტეიტი - ჰიუსტონი 115:109
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული