გოგას კარგი თამაში და გამართლებული იმედები! "ინდიანამ" მოიგო [VIDEO]

AutoSharing Option
AUTO PLAY
დღეს, 26 იანვარს, "ინდიანა პეისერსმა" "ტორონტო რეპტორსს" უმასპინძლა. მატჩი მასპინძელთა გამარჯვებით, 129:114 დასრულდა.

გოგა ბითაძე პარკეტზე სოლიდური დროით დაბრუნდა. მის ანგარიშზე არასრულ 12 წუთში  10 ქულა, 2 მოხსნა და 2-იც დაფარება გახლდათ. 

"ინდიანას" რიგებიდან საუკეთესო მალკომ ბროგდონი გახლდათ, რომელმაც 39 ქულა, 7 მოხსნა და 9 შედეგიანი გადაცემა დააგროვა. 

კარგი მატჩი ჩაატარა ჟერემი ლემბმაც, რომელმაც თავი 22 ქულით, 7 მოხსნით, 2 შედეგიანი გადაცემით და 1 ჩაჭრით გამოიჩინა. 

შესანიშნავ ფორმაშია "პეისერსის" ძირითადი ცენტრი მაილის ტარნერი, რომელმაც გუნდს 21 ქულა, 10 მოხსნა, 1 შედეგიანი გადაცემა და 3 დაფარება შესძინა. 

"ტორონტოს" რიგებიდან საუკეთესო ფრედ ვანვლიტი გახლდათ, რომელმაც 25 ქულა, 4 მოხსნა, 6 შედეგიანი გადაცემა, 2 ჩაჭრა და 1 დაფარება დააგროვა. 

ნორმან პოუელის ანგარიშზე 24 ქულა, 6 მოხსნა, 6 შედეგიანი გადაცემა და 1 ჩაჭრა გახლდათ. 

17 თამაშის შემდეგ 10 გამარჯვებითა და 7 მარცხით"ინდიანა" აღმოსავლეთ  კონფერენციაში მე-4 ადგილს იკავებს. 

თავის მხრივ, "ტორონტო" 7 გამარჯვებითა და 10 მარცხით ამავე კონფერენციაში მე-9 ადგილზე იმყოფება. 

მომდევნო მატჩს "პეისერსი" 28 იანვარს, "შარლოტის" წინააღმდეგ ჩაატარებს.
"ტორონტო" ამავე რიცხვში "მილუოკის" დაუპირისპირდება. 
მკითხველის კომენტარები / 7 /
Ხალხო! Ბლოკებსაც მიაქციეთ ყურადღება. Ამჟამად ლიგაში ტერნერი ლიდერობს საშუალოდ თამაშში 4 ბლოკით. Გოგამ კი 12 წუთში 2 ბლოკი გააკეთა, ანუ 36 წუთზე გადაანგარიშებით 6 ბლოკი გამოდის! Და საერთოდაც, ხოშიანად ითამაშა! Ყოჩაღ, გოგა! Მრავალ წარმატებას ველი შენგან!!!
0
იფრინოს მერე გოგამაც და ათამაშებენ. სხვისი ტრავმის და ცუდი ფორმის იმედად კი არ უნდა ვიყოთ. რა აზრი ექნება ასეთ თამაშს?
Levani
15:25 26-01-2021
2

სიახლეები პოპულარული