სეზონის საუკეთესო გუნდი დამარცხებულია! "ფილა" და ემბიდი წინ წარმატებით მიიწევენ [VIDEO]

AutoSharing Option
დღეს, 4 მარტს, "ფილადელფიამ" "იუტა ჯაზს" უმასპინძლა და 131:123 დაამარცხა.

"ფილადელფიას" რიგებიდან მორიგი საოცარი შეხვედრა კამერუნელმა ჯოელ ემბიდმა გამართა, რომელმაც გუნდის გამარჯვებაში ლომის წილი დაიდო. ჯოელის ანგარიშზე 40 ქულა, 19 მოხსნა, 3 შედეგიანი გადაცემა, 1 ჩაჭრა და 2 დაფარება გახლდათ.

ემბიდს მხარი ტობიას ჰარისმა აუბა, რომელმაც გუნდს 22 ქულა, 10 მოხსნა, 2 შედეგიანი გადაცემა, 1 ჩაჭრა და ამდენივე დაფარება შესძინა.

"იუტას" რიგებიდან დონოვან მიტჩელი გამოირჩა, რომელმაც თავი 33 ქულით, 8 მოხსნით, 6 შედეგიანი გადაცემითა და 1 ჩაჭრით გამოიჩინა.

ბოიან ბოგდანოვიჩის
ანგარიშზე 18 ქულა და 5 მოხსნა გახლდათ.

24 გამარჯვებითა და 12 მარცხით "ფილადელფია" აღმოსავლეთ კონფერენციაში პირველ ადგილზე იმყოფება. თავის მხრივ, "იუტა ჯაზი" 27 მოგებითა და 9 მარცხით დასავლეთს ლიდერობს.

"ფილა" მომდევნო მატჩს 12 მარტს, "ჩიკაგო ბულსის" წინააღმდეგ გამართავს. რაც შეეხება "ჯაზს", ისინი 13 მარტს "ჰიუსტონ როკეტსს" დაუპირისპირდებიან.


მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული