დღეს, 8 აპრილს "ინდიანა პეისერსმა" "მინესოტა ტიმბერვულვზს" უმასპინძლა და დაძაბულ დაპირისპირებაში 141:137 დაამარცხა.
რეკორდულად დიდი დროით დაიტვირთა გოგა ბითაძე, რომელმაც მოედანზე 25:24 წუთი დაჰყო, თავი კი შესანიშნავად წარმოაჩინა. ქართველის ანგარიშზე 14 ქულა, 3 მოხსნა, 5 შედეგიანი გადაცემა, 1 ჩაჭრა და ამდენივე დაფარება გახლდათ.
საუკეთესო მექულე ჯასტინ ჰოლიდე გახლდათ, რომელმაც 21 ქულა, 4 მოხსნა და 3 შედეგიანი გადაცემა დააგროვა.
"მინესოტას" რიგებიდან კარლ ენტონი თაუნსმა 32 ქულა, 12 მოხსნა, 6 6 შედეგიანი გადაცემა და 1 დაფარება მიითვალა.
ამრიგად, 23 გამარჯვებითა და 27 მარცხით "პეისერსი" აღმოსავლეთ კონფერენციაში მე-9 ადგილზე იმყოფება.
"ტიმბერვულვზი" 13 მოგებითა და 39 წაგებით დასავლეთში ბოლო, მე-15 ადგილს იკავებს.
"ინდიანა" მომდევნო შეხვედრას 10 აპრილს, "ორლანდო მეჯიქის" წინააღმდეგ გამართავს.
გოგას სოლიდური თამაში, თანაც დიდი დროით [VIDEO]
