29 სამქულიანი ბოლო 3 შეხვედრაში! სტეფ კარის შეჩერება მხოლოდ მწვრთნელს შეუძლია [VIDEO]

AutoSharing Option
AUTO PLAY
დღეს, 15 აპრილს, "ოკლაჰომა სითი თანდერმა" "გოლდენ სტეიტ უორიორსს" უმასპინძლა და გამანადგურებელი სხვაობით, 109:147 განადგურდა.

"ოქროსშტატელთა" რიგებიდან ფანტასტიკური შეხვედრა ჩაატარა სტეფ კარიმ, რომელმაც ამჯერად 3 მეოთხედში 41 ქულა, 6 მოხსნა და 8 შედეგიანი გადაცემა დააგროვა. სტეფმა მეტოქე სამქულიანის ნიშნულიდან 11-ჯერ დაამწუხრა. გუნდის მთავარმა მწვრთნელმა კი სტეფს თამაში აღარ გააგრძელებინა. სხვა შემთხვევაში შესაძლებელი იყო კიდევ უფრო მაღალი შედეგიც დაეფიქსირებინა.

შესანიშნავად ითამაშა დრეიმონდ გრინმაც, რომელმაც 12 ქულა, 10 მოხსნა, 16 შედეგიანი გადაცემა, 3 ჩაჭრა და 2 დაფარება მიითვალა.

რაც შეეხება "ოკლაჰომას", გამოირჩა
დარიუს ბაზლი, რომელმაც თავი 22 ქულით, 8 მოხსნითა და 1 შედეგიანი გადაცემით გამოიჩინა.

ამრიგად, "უორიორსი" 27 მოგებითა და 28 წაგებით დასავლეთ კონფერენციაში მე-9 ადგილს იკავებს. "თანდერი" 20 გამარჯვებითა და 35 მარცხით ამავე კონფერენციაში მე-13 ადგილზე იმყოფება.

"გოლდენ სტეიტი" მომდევნო შეხვედრას 16 აპრილს, "კლივლენდ კავალიერსის" წინააღმდეგ ჩაატარებს. "ოკლაჰომა" 17 აპრილს "დეტროიტ პისტონსს" დაუპირისპირდება.

altბითაძის დახმარებით "ინდიანამ" მორიგი შეხვედრა მოიგო [VIDEO]



მკითხველის კომენტარები / 4 /
არავითარი ლეიკერსი, გსვ-მ ძველი დიდება უნდა დაიბრუნოს.
1

სიახლეები პოპულარული