დღეს, 28 მაისს, პლეი-ოფის პირველი რაუნდის მესამე შეხვედრები გაიმართა.
"მიამი ჰიტმა" "მილუოკი ბაქსს" უმასპინძლა. შეხვედრა სტუმართა გამარჯვებით, 113:84 დასრულდა. გასულ წელს, აღმოსავლეთ კონფერენციის ნახევარფინალში, ეს გუნდები ერთმანეთს შეხვდნენ, თუმცა იქ სიტუაცია რადიკალურად განსხვავებული იყო, პირველი სამი შეხვედრა "მაიამიმ" მოიგო და ბერძენი იანის ანტეტოკუნმპო სრულად ამოკეტეს; დღეს კი ყველაფერი განსხვავებულადაა, სპოელსტრას შეგირდები მეტოქეს ვერაფერს უპირისპირებენ.
დღევანდელ შეხვედრაში მასპინძელთა რიგებიდან საუკეთესო ჯიმი ბატლერი გახლდათ, რომელმაც თავი 19 ქულით, 8 მოხსნით, 6 შედეგიანი გადაცემითა და 1 ჩაჭრით გამოიჩინა.
რაც შეეხება "ბაქსს", ჯრუ ჰოლიდეიმ
19 ქულა, 3 მოხსნა და 12 შედეგიანი გადაცემა დააგროვა, მისი შედეგიანობის მაჩვენებელი კი +41-ს გაუტოლდა. სავარაუდოდ, "ირმების" ასეთი დონის თამაში სწორედ ჯრუს დამსახურებაა, რომელიც კარგ დამცველთან ერთად თამაშის შესანიშნავი დირიჟორიც გახლავთ.
ამრიგად, სერიაში ანგარიში 3:0 ხდება, მომდევნო შეხვედრა კი 29 მაისს გაიმართება. თუ "მილუოკი" მომდევნო თამაშის მოგებასაც მოახერხებს, "ჰიტი" პლეი-ოფს 4:0 დათმობს.
ლიგის მოქმედმა ჩემპიონმა "ლეიკერსმა" "ფინიქს სანსს" უმასპინძლა და კომფორტული უპირატესობით, 109:95 დაამარცხა.
კალიფორნიელთა რიგებიდან საუკეთესო ენტონი დევისი გახლდათ, რომელმაც გუნდს 34 ქულა, 11 მოხსნა, 1 ჩაჭრა და ამდენივე დაფარება შესძინა.
რაც შეეხება "სანსს", დეანდრე ეიტონმა თავი 22 ქულით, 11 მოხსნით, 1 ჩაჭრითა და 2 დაფარებით გამოიჩინა.
ამრიგად, პირველი შეხვედრის ჩაგდების შემდეგ ლოსანჯელესურმა გუნდმა ზედიზედ ორი შეხვედრა მოიგო და სერიაშიც 2:1 დაწინაურდა.
პირველი რაუნდის მეოთხე შეხვედრა 30 მაისს გაიმართება.
მესამე შეხვედრა "პორტლენდ ტრეილბლეიზერსსა" და "დენვერ ნაგეტსს" შორის გაიმართა. მატჩი სტუმართა გამარჯვებით, 120:115 დასრულდა.
"ტრეილბლეიზერსის" რიგებში საუკეთესო დემიენ ლილარდი გახლდათ, რომელმაც 37 ქულა, 2 მოხსნა, 5 შედეგიანი გადაცემა და 2 ჩაჭრა მიითვალა.
"დენვერის" რიგებიდან კი ნიკოლა იოკიჩმა 36 ქულა, 11 მოხსნა და 5 შედეგიანი გადაცემა დააგროვა.
ამრიგად, სერიაში ანგარიში "ნაგეტსის" სასარგებლოდ, 2:1 გახლავთ, მომდევნო შეხვედრა კი 30 მაისსაა ჩანიშნული.
![alt](/pictures/image50/7b7cb0a877b0d31f526599af0c84bf25.jpg ""ბაქსმა" მოქმედი სუპერფინალისტები გაანადგურა,ჩემპიონებმა უპირატესობა მოიპოვეს,საუკეთესოობის კანდიდატის მორიგი გაბრწყინება [VIDEO]")
ტრავმირებულ უესტბრუქს გასახდელისკენ მიმავალ გზაზე პოპკორნი ესროლეს! "იუტამ" და "ნიუ იორკმა" წონასწორობა აღადგინეს [VIDEO]
![დევისის დომინანტური მატჩი - "ლეიკერსმა" "მინესოტა" დაამარცხა [VIDEO]](/pictures/image7/b71b87cfff62c1f0ecde0d1d17aed525.jpg "დევისის დომინანტური მატჩი - \"ლეიკერსმა\" \"მინესოტა\" დაამარცხა [VIDEO]")
![ბითაძე კვლავ ძირითადში იყო - "ორლანდო" "ფინიქსთან" დამარცხდა [VIDEO]](/pictures/image7/eeaefe57f4e7b1875bada2ed7cceb0dc.jpg "ბითაძე კვლავ ძირითადში იყო - \"ორლანდო\" \"ფინიქსთან\" დამარცხდა [VIDEO]")
!["ლოს ანჯელეს ლეიკერსი" NBA-ის შიდასასეზონო ტურნირის გამარჯვებულია [VIDEO]](/pictures/image7/6b3f4a56600f512c52eea18ed142482d.jpg "\"ლოს ანჯელეს ლეიკერსი\" NBA-ის შიდასასეზონო ტურნირის გამარჯვებულია [VIDEO]")
!["კლიპერსის" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]](/pictures/image7/a4f965ca021aab6a68a2a7ca9750c131.jpg "\"კლიპერსის\" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]")
![ჯეიმსის ისტორიული მატჩი - "ლეიკერსმა" "იუტა" დაამარცხა [VIDEO]](/pictures/image7/1d12114aaa0f32aa247847e802b4d92e.jpg "ჯეიმსის ისტორიული მატჩი - \"ლეიკერსმა\" \"იუტა\" დაამარცხა [VIDEO]")
