გაძევება, დაძაბულობა - პლეი-ოფში ტემპერატურა პიკს აღწევს [VIDEO]

AutoSharing Option
ნაციონალურ საკალათბურთო ასოციაციაში პლეი-ოფის ორი შეხვედრა გაიმართა.

"მილუოკი ბაქსმა" "ბრუკლინ ნეტსს" უმასპინძლა და 11-ქულიანი უპირატესობით, 107:96 დაამარცხა.

მასპინძელთა რიგებიდან საუკეთესო იანის ანტეტოკუნმპო გახლდათ, რომელმაც თავი 34 ქულით, 12 მოხსნით, 3 შედეგიანი გადაცემითა და 1 დაფარებით გამოიჩინა.

კრის მიდლტონის ანგარიშზე 19 ქულა, 4 მოხსნა, 8 შედეგიანი გადაცემა, 2 ჩაჭრა და ამდენივე დაფარება გახლდათ.

რაც შეეხება "ნეტსს", კევინ დურანტმა გუნდს 28 ქულა, 13 მოხსნა, 5 შედეგიანი გადაცემა, 1 ჩაჭრა და 1-იც დაფარება შესძინა.

კაირი ირვინგმა
11 ქულა, 5 მოხსნა, 2 შედეგიანი გადაცემა, 1 ჩაჭრა და ამდენივე დაფარება დააგროვა. აღსანიშნავია, რომ კაირიმ მოედანზე 17:17 წუთი გაატარა, მეორე მეოთხედში კი ცუდად დახტა და გასახდელისკენ გაეშურა. მისი ტრავმის სიმძიმე ჯერჯერობით უცნობია.

ამრიგად, სერიაში ანგარიში 2:2 გახდა. მომდევნო შეხვედრა 16 ივნისს ბრუკლინში გაიმართება.

მეორე დაპირისპირებაში "დენვერ ნაგეტსმა" "ფინიქს სანსს" უმასპინძლა. შეხვედრა სტუმართა გამარჯვებით, 125:118 დასრულდა.

მასპინძელთა რიგებიდან საუკეთესო უილ ბარტონი გახლდათ, რომელმაც 25 ქულა, 5 მოხსნა, 2 შედეგიანი გადაცემა და ამდენივე ჩაჭრა მიითვალა.

ნიკოლა იოკიჩმა გუნდს 22 ქულა, 11 მოხსნა, 4 შედეგიანი გადაცემა და 1 დაფარება შესძინა. ლიგის მოქმედი საუკეთესო მოთამაშე მესამე მეოთხედში მოედნიდან უხეში თამაშისთვის გააძევეს.

რაც შეეხება "ფინიქსს", კრის პოლმა 37 ქულა, 3 მოხსნა, 7 შედეგიანი გადაცემა და 2 ჩაჭრა დააგროვა.

დევინ ბუკერმა თავი 34 ქულით, 11 მოხსნით, 4 შედეგიანი გადაცემითა და 1 ჩაჭრით გამოიჩინა.

ამრიგად, "სანსმა" "ნაგეტსი" პლეი-ოფის ნახევარფინალში 4:0 დაამარცხა და ფინალურ სტადიაზე გავიდა, სადაც მათი მეტოქე "ლოს ანჯელეს კლიპერსსა" და "იუტა ჯაზს" შორის გამარჯვებული იქნება.




მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული