დღეს, 23 ოქტომბერს, ნაციონალურ საკალათბურთო ასოციაციაში მორიგი შეხვედრები გაიმართა.
"ვაშინგტონ ვიზარდსმა" "ინდიანა პეისერსს" უმასპინძლა და 135:134 დაამარცხა.
სტუმართა რიგებიდან გოგა ბითაძე მოედანზე კვლავაც არ გამოჩენილა, შეგახსენებთ, ჩვენებურს 2021/22 წლების სეზონში ჯერ-ჯერობით მონაწილეობა არ მიუღია.
"პეისერსის" შემადგენლობიდან საუკეთესო მაილის ტერნერი გახლდათ, რომელმაც თავი 40 ქულით, 10 მოხსნით, 1 ჩაჭრითა და 3 დაფარებით გამოიჩინა.
დომანტას საბონისმა და მალკომ ბროგდონმა თანაბარი, 28-28 ქულა დააგროვეს.
სტუმართა რიგებიდან საუკეთესო სპენსერ დინვიდი გახლდათ, რომელმაც გუნდს 34 ქულა, 6 მოხსნა და 9 შედეგიანი გადაცემა შესძინა.
კაილ კუზმამ
26 ქულა, 11 მოხსნა, 2 შედეგიანი გადაცემა და 1 ჩაჭრა მიითვალა.
ამრიგად, დედაქალაქელებმა 2 გამართული შეხვედრიდან ორივე მოიგეს და აღმოსავლეთ კონფერენციას ლიდერობენ, "პეისერსმა" ორივე შეხვედრა 1 ქულით დათმო...
"ვიზარდსი" მომდევნო შეხვედრას 26 ოქტომბერს, "ბრუკლინ ნეტსის" წინააღმდეგ გამართავს, "ინდიანა" 24 ოქტომბერს "მაიამი ჰიტს" დაუპირისპირდება.
"ფილადელფიამ" "ბრუკლინ ნეტსს" უმასპინძლა, შეხვედრა სტუმართა გამარჯვებით 114:109 დასრულდა.
მასპინძელთა შემადგენლობიდან სეტ კარიმ და ტობიას ჰარისმა თანაბარი 23-23 ქულა დააგროვეს.
ჯოელ ემბიდმა თავი 19 ქულით, 8 მოხსნით, 4 შედეგიანი გადაცემით, 2 ჩაჭრითა და 4 დაფარებით გამოიჩინა.
"ნეტსის" მხრიდან საუკეთესო კევინ დურანტი გახლდათ, რომელმაც გუნდს 29 ქულა, 15 მოხსნა, 12 შედეგიანი გადაცემა, 1 ჩაჭრა და ამდენივე დაფარება შესძინა.
ამრიგად, ორივე გუნდს მოგება წაგების ბალანსი 1/1-თან აქვს.
"ფილადელფია" მომდევნო შეხვედრას 25 ოქტომბერს, "ოკლაჰომა სითი თანდერის" წინააღმდეგ გამართავს, "ბრუკლინი" 25 ოქტომბერს "შარლოტ ჰორნეტსს" დაუპირისპირდება.
"ლოს ანჯელეს ლეიკერსმა" "ფინიქს სანსს" უმასპინძლა, შეხვედრა სტუმართა გამარჯვებით 115:105 დასრულდა.
მასპინძელთა შემადგენლობიდან საუკეთესო ლებრონ ჯეიმსი გახლდათ, რომელმაც თავი 25 ქულით, 2 მოხსნით, 5 შედეგიანი გადაცემითა და 2 ჩაჭრით გამოიჩინა.
ენტონი დევისმა 22 ქულა, 14 მოხსნა, 3 შედეგიანი გადაცემა, 1 ჩაჭრა და 2 დაფარება დააგროვა.
აღსანიშნავია, რომ ეს უკანასკნელი და მისი თანაგუნდელი დვაით ჰოვვარდი წუთშესვენების დროს ერთმანეთს სიტყვიერად დაუპირისპირდნენ.
"სანსის" რიგებიდან კრის პოლმა გუნდს 23 ქულა, 5 მოხსნა, 14 შედეგიანი გადაცემა და 2 ჩაჭრა შესძინა.
დევინ ბუკერმა 22 ქულა, 5 მოხსნა და 4 შედეგიანი გადაცემა მიითვალა.
"ლეიკერსმა" 2 გამართული შეხვედრიდან ორივე დათმო... "ფინიქსს" 1 მოგება და ამდენივე მარცხი აქვს.
"ყვითლები" მომდევნო შეხვედრას 25 ოქტომბერს, "მემფის გრიზლის" წინააღმდეგ გამართავს, "სანსი" 24 ოქტომბერს "პორტლენდ ტრეილბლეიზერსს" დაუპირისპირდება.
![ბითაძის მე-6 ორმაგი დუბლი სეზონში | "ორლანდოს" სუპერსერია გრძელდება [VIDEO]](/pictures/image7/878bf5abfbf9c118a90ddbf4ab11f644.jpg "ბითაძის მე-6 ორმაგი დუბლი სეზონში | \"ორლანდოს\" სუპერსერია გრძელდება [VIDEO]")
![გოგას 5 დაფარება და ბოლო 12-დან 11 გამარჯვება - "ორლანდო" მაგარ სვლაზეა [VIDEO]](/pictures/image7/2b1da1575bf942436e652fce6642ade7.png "გოგას 5 დაფარება და ბოლო 12-დან 11 გამარჯვება - \"ორლანდო\" მაგარ სვლაზეა [VIDEO]")
![გოგა ბითაძის ბრწყინვალე დაფარება ლიგის გამორჩეულ ათლეტთან - "ორლანდომ" ბოლო 11-დან 10 მოიგო [VIDEO]](/pictures/image7/a237665baf706490907c7ecc176dcc35.jpg "გოგა ბითაძის ბრწყინვალე დაფარება ლიგის გამორჩეულ ათლეტთან - \"ორლანდომ\" ბოლო 11-დან 10 მოიგო [VIDEO]")
![ბითაძის შედეგიანი მატჩი და მორიგი ორმაგი დუბლი - "ორლანდო მეჯიქმა" "ფინიქს სანზი" დაამარცხა [VIDEO]](/pictures/image7/519fdd4b7a73cd99eb17522137b13ff6.jpg "ბითაძის შედეგიანი მატჩი და მორიგი ორმაგი დუბლი - \"ორლანდო მეჯიქმა\" \"ფინიქს სანზი\" დაამარცხა [VIDEO]")
![ბითაძის 27 წუთი და "ორლანდო მეჯიქის" ზედიზედ მე-5 გამარჯვება [VIDEO]](/pictures/image7/6c84c5ed2d9b380dcd6726f3f0b8cd19.jpg "ბითაძის 27 წუთი და \"ორლანდო მეჯიქის\" ზედიზედ მე-5 გამარჯვება [VIDEO]")
![ბითაძის 12 ქულა, 12 მოხსნა და "ორლანდოს" ზედიზედ მე-4 გამარჯვება [VIDEO]](/pictures/image7/a64b5a2c97d51333b7dd4bbc12acb694.jpg "ბითაძის 12 ქულა, 12 მოხსნა და \"ორლანდოს\" ზედიზედ მე-4 გამარჯვება [VIDEO]")
