ნაციონალურ საკალათბურთო ასოციაციაში "ბრუკლინ ნეტსმა" "მაიამი ჰიტს" უმასპინძლა. შეხვედრა სტუმართა გამარჯვებით, 106:93 დასრულდა.
მასპინძელთა რიგებიდან საუკეთესო კევინ დურანტი გახლდათ, რომელმაც თავი 25 ქულით, 11 მოხსნით, 2 შედეგიანი გადაცემით, 1 ჩაჭრითა და 2 დაფარებით გამოიჩინა.
ჯეიმს ჰარდენმა 14 ქულა, 7 მოხსნა, ამდენივე შედეგიანი გადაცემა, 1 ჩაჭრა და 1-იც დაფარება დააგროვა.
სტუმართა რიგებიდან საუკეთესო მექულე ბემ ადებაიო გახდა, რომელმაც გუნდს 24 ქულა და 9 მოხსნა შესძინა.
ჯიმი ბატლერმა 17 ქულა, 14 მოხსნა, 7 შედეგიანი გადაცემა, 4 ჩაჭრა და 1 დაფარება მიითვალა.
სეზონის
სტარტზე "ნეტსს" 2 მოგება და 3 მარცხი აქვს, მომდევნო შეხვედრას კი 30 ოქტომბერს, "ინდიანა პეისერსის" წინააღმდეგ გამართავს.
"ჰიტს" მოგება-წაგების ბალანსი 3/1-თან აქვს, მომდევნო მატჩს კი იმავე 30 ოქტომბერს, "შარლოტ ჰორნეტსთან" გამართავს.
"ოკლაჰომა სითი თანდერმა" "ლოს ანჯელეს ლეიკერსს" უმასპინძლა და 123:115 დაამარცხა. აღსანიშნავია, რომ კალიფორნიელები მატჩს 26-ქულიანი უპირატესობით იგებდნენ, თუმცა მატჩის მეორე ტაიმში მასპინძლებმა მშვენივრად ითამაშეს და დამსახურებულადაც გაიმარჯვეს.
"თანდერის" რიგებიდან საუკეთესო შაი გილოს ალექსანდერი გახლდათ, რომელმაც თავი 27 ქულით, 9 მოხსნითა და 5 შედეგიანი გადაცემით გამოიჩინა.
დარიუს ბაზლიმ 20 ქულა, 6 მოხსნა, 2 შედეგიანი გადაცემა, 4 ჩაჭრა და 1 დაფარება მიითვალა.
"ლეიკერსის" მხრიდან საუკეთესო მექულე ენტონი დევისი გახდა, რომელმაც გუნდს 30 ქულა, 8 მოხსნა, 2 შედეგიანი გადაცემა და 1 ჩაჭრა შესძინა.
რასელ უესტბრუქმა ყოფილი კლუბის წინააღმდეგ 20 ქულა, 14 მოხსნა, 13 შედეგიანი გადაცემა და 1 ჩაჭრა დააგროვა. სოლიდურ სამმაგ დუბლთან ერთად რასმა ბურთი 10-ჯერ დაკარგა. აღსანიშნავია, რომ გამთამაშებელმა სეზონის სტარტზე გამართულ 5 შეხვედრაში საერთო ჯამში ბურთის მეტოქისთვის გადაცემა 30-ჯერ მოახერხა, რაც მეტისმეტად მაღალი მაჩვენებელია...
კალიფორნიელებს 2 მოგება და 3 მარცხი აქვთ, მომდევნო მატჩს კი 30 ოქტომბერს, "კლივლენდ კავალიერსის" წინააღმდეგ გამართავენ.
"ოკლაჰომამ" ზედიზედ 4 მარცხის შემდეგ პირველი გამარჯვება სწორედ "ლეიკერსთან" მოიპოვა, შემდეგ მატჩს კი 31 ოქტომბერს "გოლდენ სტეიტ უორიორსის" წინააღმდეგ გამართავს.
![ჯეიმსი VS დურანტი - "ლეიკერსის" 22 ქულიანი ქამბექი "ფინიქს სანზთან" [VIDEO]](/pictures/image7/0d53bce192b04544adafcc268e540733.jpg "ჯეიმსი VS დურანტი - \"ლეიკერსის\" 22 ქულიანი ქამბექი \"ფინიქს სანზთან\" [VIDEO]")
![18 წუთში 14 ქულა - მამუკელაშვილის კარგი მატჩი "ოკლაჰომასთან" [VIDEO]](/pictures/image7/a14e96efa859a0e208405c2ab2d0f029.jpg "18 წუთში 14 ქულა - მამუკელაშვილის კარგი მატჩი \"ოკლაჰომასთან\" [VIDEO]")
![პირველად კალათბურთის და მეოთხედ ამერიკული სპორტის ისტორიაში - მამა-შვილი ლებრონ და ბრონი ჯეიმსები თანაგუნდელები გახდნენ! [VIDEO]](/pictures/image7/ede934b62ef64a1f1a7cc4417a8da93b.png "პირველად კალათბურთის და მეოთხედ ამერიკული სპორტის ისტორიაში - მამა-შვილი ლებრონ და ბრონი ჯეიმსები თანაგუნდელები გახდნენ! [VIDEO]")
![დევისის დომინანტური მატჩი - "ლეიკერსმა" "მინესოტა" დაამარცხა [VIDEO]](/pictures/image7/b71b87cfff62c1f0ecde0d1d17aed525.jpg "დევისის დომინანტური მატჩი - \"ლეიკერსმა\" \"მინესოტა\" დაამარცხა [VIDEO]")
!["ლოს ანჯელეს ლეიკერსი" NBA-ის შიდასასეზონო ტურნირის გამარჯვებულია [VIDEO]](/pictures/image7/6b3f4a56600f512c52eea18ed142482d.jpg "\"ლოს ანჯელეს ლეიკერსი\" NBA-ის შიდასასეზონო ტურნირის გამარჯვებულია [VIDEO]")
