დღეს, 30 ოქტომბერს, "ბრუკლინ ნეტსმა" "ინდიანა პეისერსს" უმასპინძლა და 105:98 დაამარცხა.
მასპინძელთა რიგებიდან საუკეთესო ჯეიმს ჰარდენი გახლდათ, რომელმაც თავი 29 ქულით, 8 მოხსნით, ამდენივე შედეგიანი გადაცემით, 1 ჩაჭრითა და 2 დაფარებით გამოიჩინა.
კევინ დურანტმა 22 ქულა, 11 მოხსნა, 7 შედეგიანი გადაცემა და 1 ჩაჭრა დააგროვა.
ლამარკუს ოლდრიჯი NBA-ს 48-ე კალათბურთელი გახდა, რომელმაც 20000 ქულიან ზღვარს გადააბიჯა, ამ მომენტისთვის ლამარკუსს კარიერაში 20011 ქულა აქვს. რაც შეეხება დღევანდელ შეხვედრას, მის ანგარიშზე 21 ქულა, 8 მოხსნა, 1 ჩაჭრა და ამდენივე დაფარება გახლდათ.
"ინდიანას" რიგებიდან გოგა ბითაძე 1 წუთით დაიტვირთა, ლოგიკურია, რომ ამ დროში ქართველმა თავი ვერაფრით გამოიჩინა.
"პეისერსის" რიგებიდან საუკეთესო მექულე ტორი კრეიგი გახლდათ, რომელმაც 28 ქულა, 11 მოხსნა და 3 შედეგიანი გადაცემა მიითვალა.
ამ მომენტისთვის "ნეტსს" 3 მოგება და ამდენივე მარცხი აქვს, მომდევნო შეხვედრას კი 1-ელ ნოემბერს, "დეტროიტ პისტონსის" წინააღმდეგ გამართავს.
"ინდიანას" 1 გამარჯვება და 5 წაგება აქვს, მომდევნო ტურში 31 ოქტომბერს, "ტორონტო რეპტორსს" დაუპირისპირდება.
!["ორლანდოს" დაუჯერებელი ქამბექი და გოგას მორიგი ორმაგი დუბლი "მაიამი ჰიტთან" [VIDEO]](/pictures/image7/a7c1c06b2f7d56b53ad48407c1abc7f2.jpg "\"ორლანდოს\" დაუჯერებელი ქამბექი და გოგას მორიგი ორმაგი დუბლი \"მაიამი ჰიტთან\" [VIDEO]")
![ბითაძის მორიგი ორმაგი დუბლი - ქართველის კარგი თამაში "ოკლაჰომასთან" საკმარისი არ აღმოჩნდა [VIDEO]](/pictures/image7/fea252f2e5df37ffffeac1c78b626ce9.jpg "ბითაძის მორიგი ორმაგი დუბლი - ქართველის კარგი თამაში \"ოკლაჰომასთან\" საკმარისი არ აღმოჩნდა [VIDEO]")
![ეს რა იყო! - ბითაძემ ანტეტოკუნმპოს გადაატენა [VIDEO]](/pictures/image7/3e63f7f0c5d85a59b019c8af2d1786c9.jpg "ეს რა იყო! - ბითაძემ ანტეტოკუნმპოს გადაატენა [VIDEO]")
![ბითაძის ბრწყინვალე მატჩი - ქართველი "ფინიქს სანსთან" შეხვედრის MVP გახდა [VIDEO]](/pictures/image7/fa01a405be59910ff46af59e2d190e93.jpg "ბითაძის ბრწყინვალე მატჩი - ქართველი \"ფინიქს სანსთან\" შეხვედრის MVP გახდა [VIDEO]")
