ნაციონალურ საკალათბურთო ასოციაციაში შობის ღამეს ლიგა გულშემატკივრებს ყოველთვის გამორჩეული შეხვედრებით აჯილდოებს.
"დენვერ ნაგეტსმა" "ფინიქს სანსს" უმასპინძლა და 128:125 დაამარცხა.
ნიკოლა იოკიჩმა თავი 41 ქულით, 15 მოხსნით, ამდენივე შედეგიანი გადაცემითა და 1 დაფარებით გამოიჩინა.
აარონ გორდონმა გუნდს 28 ქულა, 13 მოხსნა, 2 შედეგიანი გადაცემა, თითო ჩაჭრა და დაფარება შესძინა. აარონმა მატჩის მიწურულს ბრწყინვალე ჩატენვა შემოგვთავაზა, რომელმაც საშობაო საღამო საკალათბურთო კუთხით კიდევ უფრო გაალამაზა.
"სანსის" მხრიდან ლენდრი შამეტმა 31 ქულა, 2 მოხსნა, 6 შედეგიანი გადაცემა და 1 დაფარება მიითვალა.
კრის პოლმა აქტივში 17 ქულა, 4 მოხსნა, 16 შედეგიანი გადაცემა, 2 ჩაჭრა და 1 დაფარება ჩაიწერა.
ამრიგად, "ნაგეტსი" 21 მოგებითა და 11 წაგებით დასავლეთ კონფერენციაში 1-ელ ადგილს იკავებს, მომდევნო შეხვედრას 28 დეკემბერს, "საკრამენტო კინგსთან" გამართავს.
"ფინიქსი" 19 გამარჯვებითა და 15 მარცხით იმავე დასავლეთში მე-4 პოზიციაზე იმყოფება, 28 დეკემბერს კი "მემფის გრიზლს" შეხვდება.
![alt](/pictures/image50/4ab7fef1a74ad0bbcd010d4d706f0d5c.jpg "გორდონის წარმოუდგენელი ჩატენვა - "დენვერმა" "ფინიქსი" დაამარცხა [VIDEO]")
"ბოსტონ სელტიკსმა" "მილუოკი ბაქსი" დაამარცხა - საშობაო მატჩები NBA-ში [VIDEO]
