"რატომ არ მივულოცე ლებრონს რეკორდის დამყარება?" - დევისმა განმარტა

როგორც მოგახსენეთ, 8 თებერვალს "ლოს ანჯელეს ლეიკერსისა" და "ოკლაჰომას" დაპირისპირებისას კალიფორნიელთა ლიდერმა და კალათბურთის ისტორიაში ერთ-ერთმა საუკეთესო კალათბურთელმა ლებრონ ჯეიმსმა კარიერაში 38 388-ე ქულა ჩააგდო და NBA-ს ისტორიაში საუკეთესო მექულე გახდა.

ჯეიმსმა შეხვედრაში 36-ე ქულა კალათში მესამე პერიოდის დასრულებამდე 10.9 წამით ადრე მოათავსა. თამაში შეჩერდა, "მეფე" "კრიპტო არენაზე" შეკრებილმა გულშემატკივრებმა ოვაციებით დააჯილდოვეს, თუმცა კამერებს მისი ერთ-ერთი საუკეთესო მეგობრისა და თანაგუნდელის, ენტონი დევისის დამწუხრებული სახე არ გამოჰპარვიათ.

აღნიშნულის შესახებ დევისი ჟურნალისტებს ესაუბრა. მისი თქმით, ამის მიზეზი უბრალოდ გუნდის ცუდი თამაში იყო.

"ყველამ კარგად იცის, თუ როგორი კარგი ურთიერთობა გვაქვს მე და ლებრონს. დამწუხრებული თამაშის შედეგის გამო ვიყავი. ჩვენ დავმარცხდით და ვერ მოვიპოვეთ გამარჯვება, რომელიც ძალიან გვჭირდებოდა. რა თქმა უნდა, ეს ლებრონმაც კარგად იცის" - განაცხადა დევისმა.

შეგახსენებთ, "ლოს ანჯელეს ლეიკერსმა" დღეს "მილუოკი ბაქსს" უმასპინძლა და 106:115 დამარცხდა. "ანგელოზები" დასავლეთ კონფერენციაში 25 მოგებითა და 31 მარცხით მე-13 ადგილს იკავებს. დარვინ ჰემის გუნდი მომდევნო მატჩს 12 თებერვალს "გოლდენ სტეიტ უორიორსის" წინააღმდეგ გამართავს.

ასე დაემშვიდობა "ინდიანა" გოგა ბითაძეს [VIDEO]

მამუკელაშვილის 6 ქულა 13 წუთში და "მილუოკის" გასვლითი გამარჯვება "ლეიკერსთან" [VIDEO]