მსოფლიო ჩემპიონატის მეორე შესარჩევი ეტაპის პირველ ტურში უკრაინის ნაკრებმა სენსაციურ გამარჯვებას მიაღწია კიევში ესპანეთთან - 76:65.ევროპის სამგზის ჩემპიონის და მსოფლიოს ვიცე-ჩემპიონის ძლევაში ლომის წილი შეიტანა "ლოს ანჟელეს ლეიკერსის" 21 წლის შემტევმა მცველმა სვიატოსლავ მიხაილიუკმა (სიმაღლე 203 სმ).
მან 22 ქულა ჩააგდო, 3-ჯერ მოხსნა ბურთი და 3 შედეგიანი გადაცემა გააკეთა. მისი მარგი ქმედების კოეფიციენტი 24 იყო და მატჩის საუკეთესო მოთამაშე გახდა. უკრაინელთა ცენტრმა ალეკსეი ლენმა (216 სმ), რომელიც "ატლანტა ჰოუკსში" თამაშობს, 8 ქულა შესძინა თავის გუნდს და 5-ჯერ მოხსნა ბურთი.
უკრაინის ნაკრები ჯგუფში 4 მოგებით მე-4 ადგილზეა და ორშაბათს სტუმრად მონტენეგროს ხვდება.
![ესპანეთმა ევრობასკეტი მოიგო [VIDEO]](/pictures/image7/b123d86cb1ee31e5d74c162647c66b0a.jpg "ესპანეთმა ევრობასკეტი მოიგო [VIDEO]")
