ქალთა ევროპის ჩემპიონატს კალათბურთში მერაბ რატიაშვილი მოემსახურება

AutoSharing Option
ევროპის 2019 წლის ქალთა ჩემპიონატისთვის ფიბამ მსაჯ-კომისრები შეარჩია.

მსოფლიო კალათბურთის მმართველი ორგანიზაციის რჩეულთა შორის მოხვდა ფიბას ერთადერთი ქართველი კომისარი მერაბ რატიშვილი, რომელიც ბოლო წლებში აქტიურადაა ჩართული ევროპის როგორც საკლუბო, ისე სანაკრებო ტურნირებში.

ევროპის 2019 წლის ჩემპიონატი 27 ივნისიდან 7 ივლისის ჩათვლით გაიმართება და მას 2 ქვეყანა - ლატვია და სერბეთი უმასპინძლებს. ჯგუფური ეტაპის თამაშები ლატვიის დედაქალაქ რიგასა და სერბულ ზრენიანინსა და ნიშში გაიმართება. ჯგუფებიდან გასული გუნდები სერბეთის დედაქალაქ ბელგრადში გადაინაცვლებენ, სადაც პლეი-ოფის მატჩები და ფინალური შეხვედრა გაიმართება.

ევროპის ქალთა უმთავრეს
სანაკრებო ტურნირზე ფიბას ნომინაცია რატიშვილმა უკვე მიიღო, ხოლო კონკრეტულად რომელ მატჩებს უკომისრებს, ევრობასკეტის წინა დღეებში გაირკვევა.

მომზადებულია Gbf.ge-ს მიხედვით
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული