ფიბა-ევროპის თასის ჯგუფური ეტაპის ბოლო ტურში თბილისის სახელმწიფო უნივერსიტეტის გუნდი საკუთარ მოედანზე "ვარეზესთან" 81:94 დამარცხდა.
პირველი მეოთხედი ფრედ, 16:16 დასრულდა, შემდეგ კი სტუმრები ინიციატივას დაეუფლნენ და გაიმარჯვეს.
თსუ-დან 20 ქულა რატი ანდრონიკაშვილმა ჩააგდო, ხოლო 18 - კახა ჯინჭარაძემ. 22 ქულით მატჩის ყველაზე შედეგიანი მოთამაშე და სარგებლიანობის 30-იანი კოეფიციენტით MVP იტალიური კლუბის კანადელი გამთამაშებელი ოლივიე ჰენლანი გახდა.
თსუ-მ 1 მატჩი მოიგო (სახლში კვიპროსის "კერავნოსს" სძლია) და ჯგუფში მესამე ადგილი დაიკავა.
![alt](/pictures/image50/2841de20700a35093937bc6b049b45fb.jpg "ანდრონიკაშვილის 20 და ჯინჭარაძის 18 ქულა - თსუ "ვარეზესთან" დამარცხდა")
თსუ-მ "კერავნოსს" 17 ქულა გაუბათილა, მაგრამ ბოლო წუთებზე ბრძოლაში დამარცხდა
