არგენტინის ნაკრებისა და "ბარსელონას" თავდამსხმელმა ლიონელ მესიმ განაცხადა, რომ ურუგვაისთან 2014 წლის მუნდიალის შესარჩევი ციკლის მატჩით კმაყოფილი დარჩა.
ვიდეო შეგახსენებთ, რომ არგენტინის ეროვნულმა გუნდმა ურუგვაის ნაკრები ანგარიშით 3:0 დაამარცხა (იხილეთ ვიდეო).
"ვგრძნობ, რომ სწორი გზით მივდივართ. ძალიან მიხარია, რომ კვლავ გავიმარჯვეთ და ჩვენს გულშემატკვრებს სიხარული მოვუტანეთ.
ძლიერი გუნდის დამარცხება შევძელით, რომელიც სამხრეთ ამერიკის ჩემპიონია. მიმაჩნია, რომ ურუგვაელებს ყველა კომპონენტში ვაჯობეთ.
მეტოქეს დაცვაში თამაში არ სურდა, მომენტს ეძებდა, ძალიან სწრაფად თამაშობდა. მაგრამ შეხვედრის მსვლელობას მუდმივად ვაკონტროლებდით", - განაცხადა მესიმ.
მომზადებულია AS-ის მიხედვით
