საფრანგეთის ნაკრების მთავარმა მწვრთნელმა დიდიე დეშამმა უკრაინასთან ორრაუნდიან დაპირისპირებაში მოპოვებული მუნდიალის საგზურის შემდეგ კმაყოფილმა ილაპარაკა.ფრანგებმა, რომლებმაც კიევში გამართულ პლეი-ოფის პირველ შეხვედრაში ორი უპასუხო გოლი გაუშვეს, 19 ნოემბერს, საპასუხო მატჩში შეძლეს უკრაინის ნაკრების სასურველი ანგარიშით დამარცხება - 3:0.
"ძალიან ამაყი ვარ...
ვიცოდით, რომ წინ უმძიმესი შეხვედრა გველოდა. ჩვენ არამხოლოდ შეტევა გვმართებდა, ამავდროულად, საკუთარი კარის მშრალად დაცვაზეც უნდა გვეზრუნა. მთელი ეს დღეები განსაკუთრებულად ვემზადებოდით. უმთავრესი ასპექტი კი ფსიქოლოგია იყო.
ჩვენი მოლოდინი გამართლდა, სასურველი ანგარიშით გავიმარჯვეთ და ჯამში, ბრაზილიის საგზურიც მოვიპოვეთ.
მადლობელი
მოედანზე ის ფეხბურთელები შევუშვი, რომლებიც მზად იყვნენ, სრულებით დახარჯულიყვნენ. ვფიქრობ, დღეს ყველა მოთამაშე კარგი იყო. გამოვარჩევ სახოს, რომელიც ბრწყინვალე იყო დაცვაშიც და შეტევაშიც - ამ გამარჯვებაში მისი წვლილი უდიდესია.
უკრაინის ნაკრებმა კიევში საუცხოო შთაბეჭდილება დატოვა. ამ გუნდში უამრავი ნიჭიერი ფეხბურთელია და მიზნის მიღწევა მათ დღესაც შეეძლოთ.
კარგად მესმის მათი - მსოფლიოს ჩემპიონატზე მოხვედრა ძალიან სურდათ", - აქვეყნებს დეშამის ნათქვამს უეფას ოფიციალური საიტი.
მსოფლიოს ჩემპიონატის ჯგუფური ეტაპის წილისყრა 6 დეკემბერს, ბრაზილიაში გაიმართება.
ასევე იხილეთ:
საფრანგეთი-უკრაინა 3:0 - ფრანგებს ეს შეუძლიათ [VIDEO]
უკრაინა-საფრანგეთი 2:0 - ფრანგები უფსკრულის პირას [VIDEO]
![ერთა ლიგა: გერმანიამ ესპანეთთან საშვილიშვილო სირცხვილი ჭამა [VIDEO]](/pictures/image7/df7d417b91765e4fd650384315c307f1.jpg "ერთა ლიგა: გერმანიამ ესპანეთთან საშვილიშვილო სირცხვილი ჭამა [VIDEO]")
![ერთა ლიგა. V ტური: სერხიო რამოსის 2 გაცუდებული პენალტი, საფრანგეთი გავიდა, გერმანია გალიდერდა [VIDEO]](/pictures/image7/3100c1eb60d680a5e55263d51cefc03d.jpg "ერთა ლიგა. V ტური: სერხიო რამოსის 2 გაცუდებული პენალტი, საფრანგეთი გავიდა, გერმანია გალიდერდა [VIDEO]")
