ჯო კოული: ელიტის არ გვეშინია

"თქვენ რა, მაშინებთ?" - ჰკითხა კოულმა ჟურნალისტებს და ამ ნათქვამს ფრიად საინტერესო განმარტებაც მოაყოლა, მაგრამ სანამ გეტყოდეთ კერძოდ რა თქვა, შეგახსენებთ, რომ ის ინგლისის ნაკრების ერთ-ერთი ყველაზე ტექნიკური ფეხბურთელია, რომელსაც თანაგუნდელი უეინ რუნი ბურთთან მოპყრობით ბრაზილიელებსაც კი ადარებს. და აი, ასეთი იმიჯის პატრონმაც კი ჯო კოულმა გულშემატკივარს პირდაპირ ეთერში უთხრა, რომ ახალი ბურთი, რომლითაც მსოფლიოს ჩემპიონატზე ითამაშებენ, ფეხბურთელების ტექნიკერ არსენალს ამცირებს და შესაძლებლობებს ზღუდავს. საკმარისი იყო "ჩელსის" გარემარბს ეს სიტყვები წამოსცდენოდა, რომ ჟურნალისტებმა მას ესპანეთისა და პოლონეთის ამხანაგური შეხვედრის ფრაგმენტები ჩაურთეს. ანდრეს ინიესტა, ჩავი, დავიდ სილვა... მიუხედავად იმისა, რომ ახალი ბურთით თამაშობდნენ, ამ ფეხბურთელებმა მაინც გამოამჟღავნეს ვირტუოზული ტექნიკა."თქვენ რა, მაშინებთ?" - ჰკითხა კოულმა ჟურნალისტებს და ამ ნათქვამს ფრიად საინტერესო განმარტებაც მოაყოლა, მაგრამ სანამ გეტყოდეთ კერძოდ რა თქვა, შეგახსენებთ, რომ ის ინგლისის ნაკრების ერთ-ერთი ყველაზე ტექნიკური ფეხბურთელია, რომელსაც თანაგუნდელი უეინ რუნი ბურთთან მოპყრობით ბრაზილიელებსაც კი ადარებს. და აი, ასეთი იმიჯის პატრონმაც კი თქვა, რომ ის, რაც ესპანელებმა პოლონეთთან ითამაშეს ინგლისური ფეხბურთი არ არის და ამიტომ მისი ნიმუშად მოტანა არ არის სწორი. და კიდევ, კოულმა დასძინა, რომ ესპანელთა ტექნიკა სულაც არ ნიშნავს იმას, რომ თუ მათი გუნდები ერთმანეთს ფინალში შეხვდებიან, გამარჯვებული მაინც და მაინც ესპანეთი დარჩება.საერთოდ, იმ პრეს-კონფერენციაზე კოული ცდილობდა საზოგადოებისთვის აეხსნა, რა პრინციპებით თამაშობს კაპელოს გუნდი. თვალსაჩინოებისთვის მან დააზუსტა, რომ ლაპარაკია სწრაფ, პრესინგის შემცველ ფეხბურთზე, რომელიც ყველაზე მეტად ჟოზე მოურინიოს "ინტერს" ახასიათებდა. ასეთი სტილის ფეხბურთისთვის დამახასიათებელი ის არის, რომ მისი მიმდევარი გუნდები სულაც არ ცდილობენ ბურთი მეტწილად მათ ჰქონდეთ. ბურთის ფლობა მათთვის მთავარი ამოცანა არ არის."რაც თქვენ მაჩვენეთ ელიტარული ფეხბურთია. ალბათ, ამით იმის თქმა გინდოდათ, რომ ესპანეთის ნაკრები დღეს ყველაზე ნიჭიერი გუნდია, მაგრამ განა მსოფლიოს ჩემპიონები ყოველთვის ყველაზე ნიჭიერები ხდებიან? გამარჯვებისთვის ბევრი ფაქტორის ერთდროული ამოქმედებაა საჭირო. ეს ფაქტორებია: დისციპლინა, ხასიათის სიმტკიცე, იღბალი და სხვა. ეს ყველაფერი ამ მუნდიალზე ძალიან მნიშვნელოვანი იქნება.ჩვენი სტილი ესპანელების სტილისგან მნიშვნელოვნად განსხვავდება. ჩვენ ბავშვობიდანვე სხვა ფეხბურთს ვართ დაჩვეულები. ესპანელები ბურთს მოგცემენ, მის გამო არ დაგახრჩობენ, მაგრამ, შემდეგ, როგორც კი მას იხელთებენ სწრაფ გადაადგილებას იწყებენ და ბურთს აწვდიან ერთმანეთს. თითოეული მათგანი ძალიან ტექნიკურია და გადაწოდებულ ბურთს იოლად იმორჩილებს. ეს საშუალებას აძლევთ ყველა მიმართულებით კარგად ითამაშონ.ახლა კი, მოდი ჩვენ რომ გვყავს იმ ფეხბურთელებს შევხედოთ. მაგალითად, ლემპარდი და ჯერარდი საუკეთესო ნახევარმცველები არიან. ისინი ჩინებულად აკეთებენ იმას, რაც ეხერხებათ. ზუსტად ისევე, როგორც ჩავი და ინიესტა აკეთებენ კარგად იმას, რაც მათ ეხერხებათ. ჯამში კი სხვადასხვა სტილი გამოდის. შესაძლოა მათსავით ლამაზი სანახავი არ არის, მაგრამ ჩვენ გვყავს ისეთი ფეხბურთელები, როგორებიც არიან ხსენებული ჯერარდი და ლემპარდი პლუს ლენონი და რუნი. ჩვენ შეტევის სიმძლავრე გვაქვს, მოწინააღმდეგეს ღონივრად ვაწვებით და ამს ერთსულოვნად ვაკეთებთ. ეს სტილი "ინტერმა" ძალიან კარგად წარმოაჩინა."მართლაც, ჩემპიონთა ლიგის ნახევარფინალსა და ფინალში "ბარსელონასა" და "ბაიერნთან" "ინტერმა" ბურთი პრაქტიკულად მთლიანად დაუთმო მოწინააღმდეგეს. პროცენტული მაჩვენებლით დროის ორი მესამედის განმავლობაში ბურთი მილანელთა მეტოქეს ჰქონდა, მაგრამ რად გინდა, ორივე შეხვედრა "შავ-ლურჯებმა" მოიგეს. კოული კიდევ ერთხელ დაუბრუნდა მოურინიოს თემას:"შეხედეთ "ინტერს", რომელმაც გაკვეთილი ჩაატარა: თურმე თამაშის კონტროლისთვის ბურთის ფლობა სულაც არ არის აუცილებელი. და თუ ასეთი სტილის მიმდევარი ხარ, მაშინ პრესინგი უნდა ითამაშო".კოულთან საუბრის ერთ-ერთი ბოლო თემა კი ამინდს ეხებოდა. სამხრეთ აფრიკაში საღამოობით გრილა და მართალია, ინგლისელებს ზღვის დონიდან ცოტა უჩვეულო სიმაღლეზე მოუწევთ თამაში, მაგრამ მთავარია, რომ მათი მთავარი მტერი,პაპანაქება ხელს არ შეუშლით."წინა ტურნირებში მზეზე ვთამაშობდით და ეს ნამდვილად პრობლემა იყო, თუმცა აქ გრილა და ვფიქრობთ პრემიერლიგურ ტემპს უფრო მივაღწევთ".მაგრამ, ბოლო სამ ამხანაგურ თამაშში გუნდი მაინც და მაინც რომ არ ვარგოდა?"მიზეზს ვერ გეტყვით. ეს თამაშები რატომღაც გვეძნელა. ისე, ოთხი წლის წინ, მსოფლიოს ჩემპიონატის წინ, მახსოვს, იამაიკას და უჰგრეთს მოვუგეთ და იმ შეხვედრებში ბრწყინვალედავ ვითამაშეთ. უფრო ადრე მახსოვს შესანიშნავი გამარჯვება ისლანდიასთან. და გახსოვთ, რა ხდებოდა მერე, უშუალოდ ჩემპიონატზე? ასე რომ, შესაძლოა მოსამზადებელ შეხვედრებში დამარცხება სულაც არ იყოს ცუდი. როგორც ჩანს ძრავას სრულად არ ვტვირთავთ".ილია ბაბუნაშვილი

ტრავმირებული ბართიშვილი ამ სეზონში ვეღარ ითამაშებს

VIDEO | ეროვნული ლიგა | ტორპედო 2-1 დილა. ...და შეინარჩუნებენ ადგილს ელიტაში

VIDEO | ეროვნული ლიგა | დინამო (თბ) 0-0 იბერია 1999. "მესამე ძალა" ისარგებლებს...

"მადლობა! შენი გაკეთებული საქმე სამუდამოდ დარჩება!" - რონალდოს ნაკრებიდან წასვლას პორტუგალიის პრემიერ-მინისტრი ეხმაურება

რაგბის კავშირმა და მაისაშვილმა თანამშრომლობა დაასრულეს

"მომბეზრდა წუწუნი, რომ უფსკრულისაკენ მივექანებით - მოქმედების დროა" - სანიოლი ფეხბურთიდან პოლიტიკაში მიდის

თორნიკე შენგელიას ემოციური დაბრუნება ბოლონიაში — "ვირტუსი" საქართველოს ნაკრების კაპიტანს დიდების დარბაზში შეიყვანს

მარკის რიდის კარგი თამაში და "ბაჰჩეშეჰირის" გასვლითი გამარჯვება ევროთასზე

მერკვილაძის 17 ქულა ჩრდილოეთ ევროპის ლიგაში - "გრონინგენის" გამარჯვება ხორვატიაში

საქართველოს ნაკრები ჩინეთის გრან პრიზე სრული შემადგენლობით ისპარეზებს

კაცნაკლულმა თბილისის "დინამომ" "კოპენჰაგენს" პენალტების სერიაში მოუგო და მესამე ეტაპზე გავიდა

ქართველი მსაჯები ევროპა ლიგის მატჩებს განსჯიან

"ბორჯღალოსნები" | მომავალი მეტოქე - კანადა

ნიონში ქალთა ერთა ლიგის წილისყრა გაიმართა

რუსეთის საფეხბურთო კავშირის გენერალური მდივნის თქმით, FIFA-სა და UEFA-ს პრეზიდენტები რუსეთში ჩასვლის მზადყოფნას გამოთქვამენ

პსჟ-მა "ვილიარეალის" განადგურებით ჩემპიონთა ლიგაზე 2 რეკორდი დაამყარა

კვერნაძეს 5-ჯერ გაზრდილ ხელფასს სთავაზობენ - რას გადაწყვეტს ქართველი ზამთრის სატრანსფერო ფანჯრის წინ?

უზბეკეთის ნაკრებში კაპაძის შემცვლელი კანავარო თანამდეობას ტოვებს

"ფენერბაჰჩეს" მწვრთნელად ემრე ბელოზოღლუ დანიშნეს

"არ შემიძლია შევეგუო იმას, რომ ქვეყანა ორ უკიდურესობას შორისაა გახლეჩილი" - სანიოლმა თავისი პოლიტიკური პოზიცია დააფიქსირა

[VIDEO] რა აზრი აქვს, ვინ ითამაშებსო... - პსჟ-მა "ვილიარეალს" კაპიტულაცია გამოაცხადებინა

"დიდ გუნდში სათამაშოდ მზად ვარ" - მიქაუტაძემ მის მიმართ "ბარსელონას" ინტერესზე ისაუბრა და გაამხილა, რომელ კლუბს ქომაგობს

"ვესტ ჰემმა" ესპირიტო სანტო მთავარი მწვრთნელის პოსტიდან გაათავისუფლა