ალბათ, არ გადავაჭარბებთ თუ ვიტყვით, რომ კარდიფში პირთამდე სავსე 75-ათასიან "პრინსიპალიტი სთედიუმზე" საქართველოს მორაგბეთა ნაკრების შეხვედრას უელსის ეროვნულ გუნდთან მთელი საქართველო მოულოდნელად ელოდა.
"ბორჯღალოსნების" ასეთი პატივით მიღება, ეს იყო გაცილებით მეტი, ვიდრე მატჩი. ეს იყო აღიარება ქართული რაგბისა.
ეს გახლდათ მატჩი, რომელსაც გარკვეულწილად უნდა წარმოეჩინა ჩვენი გუნდის რაობა, მისი დონე. რა თქმა უნდა, ჩვენი ბიჭების კლასში ეჭვი არც გვეპარებოდა, მაგრამ დაგვეთანხმებით, ერთია სახლში კანადის განადგურება და სულ სხვა კარდიფში უელსთან დაპირისპირება.
მასპინძლები დებიუტში პრისტლენდმა ჯარიმით დააწინაურა. მე-18 წუთზე ამოსმა ლელოც დაგვიდო, პრისტლენდმა ჯარიმა გამოიყენა. 34-ე წუთზე სოსო მათიაშვილმა საპასუხო ჯარიმა გამოიყენა და პირველი ტაიმი 10:3 დასრულდა.
მეორე ტაიმის დასაწყისში მათიაშვილმა ისევ გამოიყენა ჯარიმა და 10:6. 62-ე წუთზე უელსმა ჯარიმა გაიტანა 13:6. 74-ე წუთზე მრავალფაზიანი შეტევის შემდეგ 5 მეტრში შერკინება ვერ გამოვიყენეთ, მატჩის ბოლოს მეტრში ვიყავით ლელოსთან, თუმცა ვერ დავდეთ და მიუხედავად ამისა, უნდა ითქვას - ეს ის შემთხვევაა, როდესაც ამაყი ხარ შენი გუნდით, რომელიც სტუმრად მსოფლიოს გრანდს ტოლ-სწორად ეთამაშა.
20:35 18-11-2017
უელსი-საქართველო 13:6 - როცა შენი გუნდით ამაყი ხარ! [VIDEO]
AutoSharing Option
ასევე დაგაინტერესებთ
!["ბორჯღალოსნების" 4 ლელო და კარგი მეორე ტაიმი - საქართველო ტესტ-მატჩში ავსტრალიასთან დამარცხდა [VIDEO]](/pictures/image7/631192a2ce41d22fd7bb5776f653c1d8.png "\"ბორჯღალოსნების\" 4 ლელო და კარგი მეორე ტაიმი - საქართველო ტესტ-მატჩში ავსტრალიასთან დამარცხდა [VIDEO]")
უძრავი ქონება
სიახლეები
პოპულარული
აშკარად გამოჩნდა, რომ ამ დონეზე მეტი თამაშების შემთხვევაში 2-3წელიწადში უელსს წამოვაქცევთ,დღესაც შეიძლებოდა ფრე გაგვეხერხებინა,ცოტა მეტი ფანტაზია და რწმენა,რომ გამოევლინათ და მსაჯს არ დაესვენებინა ზედმეტად -შეცბუნებული უელსელები, მაგრამ არა უშავს,მთავარია ,რომ ბიჭებმა საკუთარი ძალების ირწმუნეს და გ ა მ ა რ ჯ ვ ე ბ ე ბ ი ც მოვა!
წინ ქართველებო!
ეს წაგება დიდ გამარჯვებას უდრის სინამდვილეში.
დღეს ბიჭების დამსახურებით ქართული რაგბის ახალი ეპოქა დაიწყო. 2017 წლის 18 ნოემბერი კარგად უნდა დავიმახსოვროთ.
ბიჭებო, ძალიან მაგრები ხართ და მეამაყებით!
წინ საქართველო!!!