მილტონ ჰეიგი მსოფლიოს თასის შემდეგ წავა?! - "დადგება დრო, ვეძებო ახალი გამოწვევები"

AutoSharing Option
საქართველოს ნაკრების ახალზელანდიელი მწვრთნელი მილტონ ჰეიგი ოჯახთან ერთად სამშობლოში იმყოფება.

იქაურ ჟურნალისტებს "ბორჯღალოსნების" თავკაცის "სტუმრობა" არ გამოჰპარვიათ. "ნიუ ზელანდ ჰერალდმა" მასზე წერილი გამოაქვეყნა, სადაც ჰეიგი საქართველოს ნაკრებსა და მის მომავალ გეგმებზე საუბრობს.

"მან საქართველოს ნაკრებთან ახალი, ორწლიანი კონტრაქტი ახლახან გააფორმა, რომელსაც ვადა 2019 წლის მსოფლიოს თასის დასრულებისთანავე გასდის. თუმცა, ეს არ ნიშნავს, რომ მას სხვა შეთავაზება არ ჰქონდა:

სანამ სამშობლოში არდადეგებზე ჩამოვიდოდა, ერთ-ერთმა იაპონურმა კლუბმა შესთავაზა მწვრთნელობა, მეორე წინადადება კი ინგლისიდან მოუვიდა - მთავ
არ მწვრთნელობას "ნორსჰემპთონი" სთავაზობდა, მაგრამ ის ადგილიდან არ დაძრულა. ის საქართველოს ნაკრებისა და კონტრაქტის ერთგულია.

მისი სამუშაო საქართველოს ნაკრებთან არ ყოფილა იოლი - ეს გუნდი შედარებით ახალია რაგბის სამყაროში. ჰეიგის გეგმა იყო, ოთხი წლის განმავლობაში გუნდის პოტენციალის რეალიზაცია მოეხერხებინა, მერე კი, უკვე დიდ შედეგებზე ეფიქრა.

"რეალობა ასეთია, ერთი მსოფლიოს თასის გათამაშების შემდეგ ჩვენ თავიდან ვიწყებთ გარკვევას - რას ვაკეთებთ, მაგრამ როგორც კი დავასრულებთ მომდევნო ოთხწლიან ციკლს, ვფიქრობ, დადგება დრო, ვეძებო ახალი გამოწვევები. მოთამაშეებს დასჭირდებათ ახალი ხელმძღვანელი. მე კი, ალბათ, ახალი ასპარეზი", - ამბობს ჰეიგი".

იხილეთ სტატიის გაგრძელება Lelo.ge-ზე
მკითხველის კომენტარები / 1 /
OK მერე მე მანდედან რა მექნება?
1

ასევე დაგაინტერესებთ
სიახლეები პოპულარული