ევროპის ჩემპიონატზე საქართველოსა და ესპანეთის ნაკრებების მომავალი მატჩის პრევიუ rugger.info-მ შემოგვთავაზა.
"17 თებერვალს "ავჭალის" სტადიონზე საქართველოსა და ესპანეთის ნაკრებები მეოცეჯერ შეხვდებიან ერთმანეთს. სატურნირო მდგომარეობიდან გამომდინარე, ეს შეხვედრა ტურში ცენტრალურია, ვინაიდან პირველ ტურში ორივე გუნდმა გაიმარჯვა - ქართველებმა რუმინელებს 18:9, ხოლო ესპანელებმა რუსებს 16:14 სძლიეს.
იქნება თუ არა სათამაშო თვალსაზრისით ეს შეხვედრა დაძაბული? სტატისტიკა გვამცნობს - 19 მატჩიდან "ლელოელებმა" 15 მოიგეს, 1 ფრედ დაასრულეს და 3 წააგეს. ამასთან, უკანასკნელ წლებში ქართველთა დომინირება თვალსაჩინოა. ბოლო მატჩი ევროპის ჩემპიონებმა გასული წლის 3 მარტს
23:10 მოუგეს, 2017 და 2016 წლებში კი 20:10 და 38:7.
თუ ესპანელთა თამაშს დავაკვირდებით, რუსეთთან რაიმე ისეთი სიახლე არ შემოუთავაზებიათ, რაც საქართველოსთან შეხვედრაში დაეხმრებათ. ქართველებისთვის "თავდამსხმელთა ბრძოლის" თავსმოხვევა და მოლით შეტევის ცდა, ეს სანტი სანტოსის შეგირდების უეჭველი დამარცხების რეცეპტია.
თავად ესპანელები ამტკიცებენ, რომ შეიძლება თვითრწმენა, მაღალი საბრძოლო სულისკვეთება და ტურნირზე პირველი გამარჯვებით გამოწვეული აღმაფრენა დაეხმაროთ. ასეთი ტონით აგულიანებს "ლომებს" გასვლითი თამაშის წინ ესპანეთის რაგბის ფედერაციის ოფიციალური საიტი.
სინამდვილეში საქართველოსთან ესპანელების შანსი მხოლოდ მილტონ ჰეიგის ექსპერიმენტებია. მან განაცხადა, რომ პირველ ორ ტურში ახალგაზრდული შემადგენლობის სხვადასხვა ვარიანტებს გამოცდის, რაც აუცილებელია გუნდის შემადგენლობის სიღრმისათვის. წმინდა თეორიული თვალსაზრისით ჰეიგი არაა გამორიცხული სადღაც ცდებოდეს კიდეც. თუმცა, მე ესპანელთა ადგილზე რომ ვიყო, ამის იმედი არ მექნებოდა და სეზონის ყველაზე რთული მატჩისთვის მოვემზადებოდი, რომელშიც მთავარი ამოცანაა დიდი ანგარიშით არ წააგონ.".
"სწრაფ რაგბის თამაშობს და არ უყვარს შეჯახებები" - "ბორჯღალოსნების" მზადება ესპანელი "ლომებისთვის"
გორგაძის ბრწყინვალე ლელო! - "ბორჯღალოსნებმა" წაგებული პირველი ტაიმის შემდეგ რუმინეთს მოუგეს [VIDEO]
![საქართველოს ნაკრებმა ტონგას 22:7 მოუგო [VIDEO]](/pictures/image7/9d0db8b81489c848be9a94f86e43ecf0.jpg "საქართველოს ნაკრებმა ტონგას 22:7 მოუგო [VIDEO]")
