ნაგოიას მერი ტაკაში კავამურა საქართველოს ეროვნულ ნაკრებს ელვის პრესლის სიმღერით - "Can't Help Falling In Love" ("ვერ ვიკავებ თავს შეყვარებისაგან") მიესალმა და საკმაოდ კარგადაც გამოუვიდა. World Rugby-მ ეს ყველა დროის ერთ-ერთ საუკეთესო მისალმებად შეაფასა.
"Can't Help Falling In Love With Team Of Georgia" - ვერ ვიკავებ თავს საქართველოს ნაკრების შეყვარებისაგან, ეს სიტყვები წარმოთქვა ტაკაში კავამურამ თავისი გამოსვლის ბოლოს.
თავად ტაკაში კავამურა ქალაქ ნაგოიას მერი 2009 წლიდან გახლავთ. იქამდე იაპონელმა პოლიტიკოსმა 7 პარტიაში ყოფნა მოაწრო და ახლა რეგიონულ პარტიას წარმოადგენს, რომლის თავმჯდომარეც თავად გახლავთ.
საქართველოს ნაკრები კი მსოფლიო თასზე პირველ შეხვედრას 23 სექტემბერს მსოფლიო რეიტინგის ლიდერ უელსის ნაკრების წინააღმდეგ გამართავს.
თუ ელვის პრესლის ორიგინალი სიმღერის მოსმენა გინდათ, ეს ქვედა ვიდეოში შეგიძლიათ.
![alt](/pictures/image50/aa18520b1f9f95752455cdddbdaf2f43.jpg ""ვერ ვიკავებ თავს საქართველოს ნაკრების შეყვარებისაგან" - ნაგოიას მერმა საქართველოს ნაკრებს ელვის პრესლის სიმღერა მიუძღვნა [VIDEO]")
რთული მიზანი, მეტი შრომა და უკეთესი ხაზი - "ბორჯღალოსნების" პრესკონფერენცია ნაგოიაში
