თუ ფიჯელთა ბანაკში კოვიდ-ინფექცია არ დაფიქსირდება, "ბორჯღალოსნები" 5 დეკემბერს, "შემოდგომის ერთა თასის" დასკვნით რაუნდში ედინბურგში, ჩვენი დროით 16:00 საათზე მე-7 ადგილისთვის ერკინება."მფრინავ ფიჯელებს" "ბ" ჯგუფში საფრანგეთის, იტალიის და შოტლანდიის წინააღმდეგ უნდა ეთამაშა, მაგრამ პირველ მატჩამდე გუნდში კოვიდ-ინფექციის რამდენიმე შემთხვევა დაფიქსირდა და დროთა განმავლობაში დაინფიცირებულთა რაოდენობამ 29-ს მიაღწია.
ტურნირის ორგანიზატორებმა კუნძულელებს ჯგუფური ეტაპის სამივე მატჩში 0:28 წაგება ჩაუთვალეს. ახლა ფიჯელები თავს კარგად გრძნობენ და ვარჯიშიც განაახლეს, თუმცა ითამაშებენ თუ არა ისინი 5 დეკემბერს, კოვიდ-ტესტების პასუხებზე იქნება დამოკიდებული.
ტიერ1-ის გუნდების რისხვა
1987 წელს ფიჯი იმ ქვეყნებს შორის მოხვდა, რომლებიც პირველ მსოფლიო თასზე მიიწვიეს და "მფრინავებმა" მეოთხედფინალში ითამაშა. სულ მათ 9-იდან რვა მსოფლიო თასზე (ერთადერთი მსოფლიო თასი 1995 წელს გამოტოვეს) ითამაშეს და 2007 წელს საუკეთესო შედეგი გაიმეორეს - მეოთხედფინალში გავიდნენ, სადაც მომავალ ჩემპიონ სამხრეთ აფრიკასთან 20:37 დამარცხდნენ.
კუნძულელებს ხშირად უწევდათ ტიერ1-ის ქვეყნებთან თამაში და 13 შემთხვევაში გამარჯვებაც მოიპოვეს - ავსტრალიასთან, არგენტინასთან, უელსთან, შოტლანდიასთან, საფრანგეთთან და იტალიასთან. 2000-იან წლებში ფიჯელებს ოთხჯერ ჰყავთ დამარცხებული იტალია, თითოჯერ კი - უელსი, შოტლანდია და საფრანგეთი. მათ შორის უელსი 2007 წლის მსოფლიო თასზე - 38:34 და საფრანგეთი 2018 წელს, ტესტ-მატჩში "სტად დე ფრანსეზე" - 21:14.
ფიჯის 7-კაცა 2016 წლის ზაფხულის ოლიმპიური თამაშების გამარჯვებული გახდა და ეს იყო პირველი შემთხვევა, როდესაც კუნძულელებმა ოლიმპიური ოქრო მოიპოვეს. გარდა ამისა, ისინი რეგულარულად თამაშობენ მსოფლიო სერიებს.
დღესდღეისობით ფიჯის ნაკრებს ახალზელანდიელი ვერნ კოტერი წვრთნის, რომელსაც სხვადასხვა დროს ტოპ 14-ის "კლერმონსა" და "მონპელიეში", ასევე, შოტლანდიის ნაკრებსა და "ბრიტანელ ბარბაროსებში" უმუშავია. მას ეხმარებიან ზელანდიელები - გლენ ჯექსონი, ჯეისონ რაიანი და დერილ გინსონი, ასევე შოტლანდიელი რიჩი გრეი, გუნდის ბირთვს კი ფრანგული, ინგლისური, შოტლანდიური და უელსური კლუბების წამყვანი მოთამაშეები წარმოადგენენ.
მეხუთედ ფიჯისთან
ფიჯი, იაპონიასთან ერთად, ტიერ2-ის ქვეყნებიდან ერთ-ერთია, რომელთანაც "ბორჯღალოსნებს" უარყოფითი ბალანსი აქვს.
2012 წლიდან დღემდე, მათთან ოთხჯერ ვითამაშეთ და მხოლოდ ერთხელ მოვიგეთ. პირველი მატჩი თბილისში გაიმართა და სტუმრებმა 24:19 მოიგეს. რევანში ოთხი წლის შემდეგ, სუვაში შედგა, სადაც საქართველომ 14:3 იმარჯვა. 2018 წელს ფიჯელებმა სუვაში 37:15 იმარჯვეს, 2019 წლის მსოფლიო თასზე კი 45:10 მოიგეს.
თუ მატჩი კოვიდ-ინფექციამ არ ჩაშალა, 5 დეკემბერს "ბორჯღალოსნებს" ურთიერთშეხვედრების ბალანსის გამოსწორების და შარშანდელი მარცხისთვის რევანშის აღების შანსი ექნება.
ირლანდიასთან მატჩის შემდეგ საქართველოს ნაკრების მთავარმა მწვრთნელმა ლევან მაისაშვილმა განაცხადა:
"ყველამ კარგად იცის, ფიჯი რა დონის გუნდია, თუმცა ჩვენი მიზანი მხოლოდ გამარჯვებაა. ეს მარტივი არ იქნება, მაგრამ მიზნის მისაღწევად ბოლომდე ვიბრძოლებთ!".
მოცემული მომენტისთვის, ფიჯი 76,21 ქულით მსოფლიო რეიტინგში მე-11 ადგილზეა, ხოლო "ბორჯღალოსნებს" 72,85 ქულა აქვს და მე-12 პოზიციაზეა.
ფიჯი, იაპონიასთან ერთად, ტიერ2-ის ქვეყნებიდან ერთ-ერთია, რომელთანაც "ბორჯღალოსნებს" უარყოფითი ბალანსი აქვს.
2012 წლიდან დღემდე, მათთან ოთხჯერ ვითამაშეთ და მხოლოდ ერთხელ მოვიგეთ. პირველი მატჩი თბილისში გაიმართა და სტუმრებმა 24:19 მოიგეს. რევანში ოთხი წლის შემდეგ, სუვაში შედგა, სადაც საქართველომ 14:3 იმარჯვა. 2018 წელს ფიჯელებმა სუვაში 37:15 იმარჯვეს, 2019 წლის მსოფლიო თასზე კი 45:10 მოიგეს.
თუ მატჩი კოვიდ-ინფექციამ არ ჩაშალა, 5 დეკემბერს "ბორჯღალოსნებს" ურთიერთშეხვედრების ბალანსის გამოსწორების და შარშანდელი მარცხისთვის რევანშის აღების შანსი ექნება.
ირლანდიასთან მატჩის შემდეგ საქართველოს ნაკრების მთავარმა მწვრთნელმა ლევან მაისაშვილმა განაცხადა:
"ყველამ კარგად იცის, ფიჯი რა დონის გუნდია, თუმცა ჩვენი მიზანი მხოლოდ გამარჯვებაა. ეს მარტივი არ იქნება, მაგრამ მიზნის მისაღწევად ბოლომდე ვიბრძოლებთ!".
მოცემული მომენტისთვის, ფიჯი 76,21 ქულით მსოფლიო რეიტინგში მე-11 ადგილზეა, ხოლო "ბორჯღალოსნებს" 72,85 ქულა აქვს და მე-12 პოზიციაზეა.
rugby.ge
![alt](/pictures/image50/3b7046f1819abfbe2e8e2b25674dbfa6.jpg ""რვა ერი" - საქართველოს ნაკრები ფიჯისთან რევანშისთვის")
საქართველოს ნაკრები "ავივაზე" ირლანდიასთან ბრძოლაში დამარცხდა [VIDEO]
