24 წლის მორაგბემ ლელო მესამე რაუნდში გაიტანა. მან საკუთარ ნახევარზე, ცენტრის სიახლოვეს შექცეული პასის შემდეგ გაჭრა ხაზი, ერთი მცველი ცრუმოძრაობით ჩამოიცილა, მეორეს ბოჭვას გაექცა და 5-მეტრიანში ორი ირლანდიელის ბოჭვის მიუხედავად, ბურთი ძელებშუა დაამიწა.
შედეგად, კვესელაძე მოხვდა პრაქტიკულად ყველა სარაგბო გამოცემის მესამე რაუნდის სიმბოლურ გუნდში, მათ შორის, ოფიციალური ვერსიით; ჯერი ტურის საუკეთესო მოთამაშის და ლელოს შერჩევაზე მიდგა, საქმეში გულშემატკივრები ჩაერთნენ და ქართველი ცენტრი ხმათა 89%-ით საუკეთესო მოთამაშე, ხოლო მისი ლელო 92%-ით საუკეთესო ლელო გახდა.
ტურნირის დასრულების შემდეგ "შემოდგომის ერთა თასის" ორგანიზატორებმა საუკეთესოების შერჩევა კვლავ გულშემატკივრებს ანდეს და გიორგი კვესელაძის ლელო 65%-ით ტურნირის საუკეთესო ლელო გახდა!
"მადლობა ქართველ გულშემატკივარს, რომელთა მხარდაჭერას მთელი ტურნირის განმავლობაში ვგრძნობდი. განსაკუთრებული მადლობა მათ, ვინც სხვადასხვა ნომინაციაში მხარდაჭერა გამომიცხადა. ვეცდები, კიდევ უფრო განვვითარდე და მათი იმედები გავამართლო", - თქვა კვესელაძემ.
კვესელაძის საერთაშორისო დებიუტი 2017 წელს თბილისში, კანადასთან მატჩში შედგა. მას შემდეგ მან 29 კეპი მოიხვეჭა და 5 ლელო გაიტანა.
კვესელაძის საერთაშორისო დებიუტი 2017 წელს თბილისში, კანადასთან მატჩში შედგა. მას შემდეგ მან 29 კეპი მოიხვეჭა და 5 ლელო გაიტანა.
rugby.ge
![alt](/pictures/image50/a190a4d7af683f224dd46cbc06eec577.jpg "კვესელაძის ლელო - საუკეთესო "შემოდგომის ერთა თასზე"! [VIDEO]")
კვესელაძე "რვა ერის" მე-3 ტურის საუკეთესო მორაგბეა - 88%-ით! [VIDEO]
![კვესელაძე "რვა ერის" მე-3 ტურის საუკეთესო მორაგბეა - 88%-ით! [VIDEO]](/pictures/image7/e72c2ecaf1b5bd436924d65ca51693f1.jpg "კვესელაძე \"რვა ერის\" მე-3 ტურის საუკეთესო მორაგბეა - 88%-ით! [VIDEO]")
