Planet Rugby: "6 ერის" სისტემა უნდა შეიცვალოს, საქართველო კი არ უნდა დაემატოს...

AutoSharing Option
ინგლისურმა სარაგბო პორტალმა Planet Rugby-მ კვირის მიმოხილვაში "6 ერის" ცვლილების საკითხი მოკლედ დააყენა, თუმცა ახალ იდეად არა საქართველოს დამატება, არამედ იტალიის ამოღება წარმოადგინა.

"ყველა დროის ყველაზე გამოცდილი ინგლისის ნაკრების წინააღმდეგ ასეთი ჟინით მოთამაშე იტალია უნდა შევაქოთ. ამ გუნდების დაპირისპირებაში იტალიელებმა, 2008 წლიდან მოყოლებული, ყველაზე მეტი ქულა მოიპოვეს (18:41 დამარცხდნენ).

თუმცა 6 ერში 1-80 ბალანსის მქონე "ანდერდოგებმა" ზედიზედ 29-ე თამაში წააგეს. იყო საუბრები დაქვეითების სისტემის შემოღების შესახებ, მაგრამ ნაკლებად სავარაუდოა, საქართველომ იტალიაზე დიდი წინააღმდეგობა გაუწიოს "6 ერის" სხვა მონაწილეებს. აქედან გამომდინარე,
ჩემპიონატის გასაძლიერებლად უკეთესი არ იქნება 6 ნაკრებიდან 5-მდე რომ შემცირდეს?

იტალიის "6 ერიდან" ამოღებით შეჯიბრება უფრო საინტერესო იქნება და მხოლოდ ძალიან კარგი მატჩები ჩატარდება. არასასიამოვნო სანახავია, როგორც ანგრევენ ყოველკვირა "აძურის" და განვითარების ნაპერწკალიც არ ჩანს." - წერია სტატიაში.

მკითხველის კომენტარები / 17 /
"6 ერი" არ არის მხოლოდ სპორტული ტურნირი, ის პირველ რიგში კომერციული ღონისძიებაა. საქართველოს დამატებით, მით უმეტეს, იტალიის ჩანაცვლებით მხოლოდ ხარჯი გაეზრდებათ, შემოსავალს კი არაფერს მიიღებენ. შესაბამისად, მათთვის საქართველოს, ან რუმინეთის დამატება არაფრის მიმცემია. ერთადერთი შანსი, რომ მართლა დაფიქრნენ საქართველოს ნაკრების იქ დაშვებაზე, არის მინიმუმ იტალიის ნაკრებზე უკეთ თამაში, თანაც სტაბილურად და დანარჩენი 5 ნაკრებისთვის ღირსეული წინააღმდეგობის გაწევა და ზღვარზე თამაში. ეს კი უახლოეს პერსპექტივაში არ ჩანს. მინიმუმ 5 წელი, ამაზე ოცნებაც არ ღირს.
გოგი
14:15 17-02-2021
1
ამ კონდიციის და დეგრადაციის მქონე ჩვენი ნაკრების დამატება ექვს ერში, ერთადერთი გამოიწვევს იმას რომ მაჩანჩალა იტალია აღარ აიღებს ხის კოვზს (((
აბუ
09:48 17-02-2021
1

სიახლეები პოპულარული